Pecché respont disant ensi: ‘O piere, a ton voloir p_ar_my Mes files sont en ton servage: Fay que t’en plest, q’atant vous dy, 820 Moult bon me semble et je l’ottry, L’alliance et le mariage. Le Siecle est bien soutil et sage, Dont m’est avis, sanz desp_ar_age Mes filles puiss don_n_er a luy, Pour engendrer de no lignage, Dont conquerras tiel avantage Pour guerroier to_u_n anemy.’ Et pour voirdire courtement, Tous s’acorderont d’un assent, 830 Le mariage devoit prendre: Et maintenant tout en p_re_sent Le Siecle Orguil au fem_m_e prent, Quelle ot le port de halte gendre. Mais pour ce que l’en doit ap_re_ndre Si noble feste de comprendre, Com_m_e fuist au tiel assemblement, S’un poy m’en vuillez cy attendre, Le vous ferray trestout entendre, Sicome fuist fait solempnement. 840 =Com_m_ent les sept files du Pecché vindront vers leur mariage, et de leur arrai et de leur chiere.= Chascune soer endroit du soy L’un apres l’autre ove son conroi Vint en sa guise noblement, Enchivalchant par grant desroy; Mais ce n’estoit sur palefroy, Ne sur les mules d’orient: Orguil qui vint primerement S’estoit monté moult fierement Sur un lio_u_n, q’aler en coy Ne volt pour nul chastiement, 850 Ainz salt sur la menue gent, Du qui tous furont en effroy. Du selle et frein quoy vous dirray, Du mantellet ou d’autre array? Trestout fuist plain du queinterie; Car unques prée flouriz en maii N’estoit au reguarder si gay Des fleurs, com_m_e ce fuist du perrie: Et sur son destre poign saisie Une aigle avoit, que signefie 860 Qu’il trestous autres a l’essay Volt surmonter de s’estutye. Ensi vint a la reverie La dame dont parlé vous ay. Puis vint Envye en son degré, Q’estoit dessur un chien monté, Et sur son destre poign portoit Un esp_er_vier q’estoit mué: La face ot moult descolouré Et pale des mals que pensoit, 870 Et son mantell dont s’affoubloit Du purpre au droit devis estoit Ove cuers ardans bien enbroudé, Et entre d’eux, qui bien seoit, Du serpent langues y avoit Par tout menuement poudré. Apres Envye vint suiant Sa soer dame Ire enchivalchant Moult fierement sur un sengler, Et sur son poign un cock portant. 880 Soulaine vint, car attendant Avoit ne sergant n’escuier; La cote avoit du fin acier, Et des culteals plus d’un millier Q’au coste luy furont pendant: Trop fuist la dame a redouter, Tous s’en fuiont de son sentier, Et la lessont passer avant. Dessur un asne lent et lass Enchivalchant le petit pass 890 Puis vint Accidie loign derere, Et sur son poign pour son solas Tint un huan ferm p_ar_ un las: