As noces de si hault affaire Ly deables ce q’estoit a faire 950 Tout ordena par son devis; Si leur don_n_a cil adv_er_saire Trestout enfern a leur doaire. Trop fuist la feste de grant pris; Ly Siecle Orguil a fem_m_e ad pris, Et puis les autres toutes sis. Pecché leur Mere debon_n_aire Se mostra lors, mais Mort son fitz N’estoit illeoque a mon avis, Dont fuist leur feste et joye maire. 960 Au table q’estoit principal Pluto d’enfern Emperial Ove Proserpine s’asseoit; Puis fist seoir tout perigal Le jofne mary mondial, Qui richement se contienoit: Puis sist Pecché, q’ove soy tenoit Ses filles solonc leur endroit: Mais pour servir d’especial Bachus la sale ministroit, 970 Et Venus plus avant servoit[28] Toutes les chambres del hostal. Savoir poetz q’a celle feste Riens y faillist q’estoit terreste, Ny’ fuist absent ascune Vice, Chascun pour bien servir s’apreste: Mais sur trestous ly plus domeste, Qui mieulx servoit de son office, C’estoit Temptacio_u_n la nyce, Q’as tous plesoit de son service; 980 Car mainte delitable geste Leur dist, dont il les cuers entice Des jofnes dames au delice Sanz cry, sanz noise et sanz te_m_peste. Lors Gloutonie a grant mesure Du large main mettoit sa cure As grans hanaps du vin emplir, Le quel versoit par envoisure As ses sorours, Orguil, Luxure, Car trop se peine a leur servir. 990 Des menestrals om pot oïr, Que tout les firont rejoïr Par melodie de nature: Et pour solempnement tenir Le feste, a toute gent ovrir Les portes firont a toute hure. Mais l’om_m_e, qui de loigns s’estuit En ascultant, quant s’aparçuit[29] Del tiel revel, du tiele joye, La Char de luy par jour et nuyt 1000 De venir a si grant deduyt Moult se pena diverse voie: Mais l’Alme que Reso_u_n convoie Au Char que tielement foloie Du Conscience ensi restuit, Que partir ne s’en ose envoie; Ainz pour le temps se tient tout coie, Com_m_e bon_n_e ancelle et l’Alme suit. Ensi com_m_e je vous ay conté, Les filles furont marié 1010 Hors de les chambres enfernals Au Siecle, qui les tint en gré; Car sur chascune en so_u_n degré Cink autres laides et mortals Puis engendra luy desloyals: Moult s’entr’estoiont parigals[30] Les filles q’ensi furont née; Car tous leur fais et leur consals Sont contraire a l’espiritals Du malice et soutileté. 1020 Entendre devetz tout avant, Tous ceux dont vous irray contant, Com_m_e puis orretz l’estoire dite, Naiscont du merveillous semblant; Car de nature a leur naiscant Trestous sont mostre hermafodrite: Sicome le livre m’en recite, Ce sont quant double forme habite