Sche hath the goddes moeved so, 190 That thei of pite and of grace Have Acis in the same place, Ther he lai ded, into a welle[556] Transformed, as the bokes telle, [Sidenote: =P. i. 166=] With freisshe stremes and with cliere, As he whilom with lusti chiere Was freissh his love forto qweme. And with this ruide Polipheme For his Envie and for his hate Thei were wrothe. [Sidenote: Confessor.] And thus algate, 200 Mi Sone, thou myht understonde, That if thou wolt in grace stonde With love, thou most leve Envie: And as thou wolt for thi partie Toward thi love stonde fre, So most thou soffre an other be, What so befalle upon the chaunce: For it is an unwys vengance, Which to non other man is lief, And is unto himselve grief. 210 [Sidenote: Amans.] Mi fader, this ensample is good; Bot how so evere that it stod With Poliphemes love as tho, It schal noght stonde with me so, To worchen eny felonie In love for no such Envie. Forthi if ther oght elles be, Now axeth forth, in what degre It is, and I me schal confesse With schrifte unto youre holinesse. 220 [Sidenote: [ii. JOY FOR ANOTHER MAN’S GRIEF.]] ii. _Orta sibi solito mentalia gaudia liuor_[557] _Dum videt alterius, dampna doloris agit._ _Inuidus obridet hodie fletus aliorum,_ _Fletus cui proprios crastina fata parant._ [Sidenote: =P. i. 167=] _Sic in amore pari stat sorte iocosus, amantes_[558] _Cum videt illusos, inuidus ille quasi._ _Sit licet in vacuum, sperat tamen ipse leuamen_ _Alterius casu, lapsus et ipse simul._