[Sidenote: [TALE OF CONSTANCE.]] A worthi kniht in Cristes lawe Of grete Rome, as is the sawe, [Sidenote: Hic loquitur Confessor contra istos in amoris causa detrahentes, qui suis obloquiis aliena solacia perturbant. Et narrat exemplum de Constancia Tiberii Rome Imparatoris filia, omnium virtutum famosissima, ob cuius amorem Soldanus tunc Persie, vt eam in vxorem ducere posset, Cristianum se fieri promisit; cuius accepta caucione consilio Pelagii tunc pape dicta filia vna cum duobus Cardinalibus aliisque Rome proceribus in Persiam maritagii causa nauigio honorifice destinata fuit:[578] que tamen obloquencium postea detraccionibus variis modis, prout inferius articulatur, absque sui culpa dolorosa fata multipliciter passa est.] The Sceptre hadde forto rihte; Tiberie Constantin he hihte, 590 Whos wif was cleped Ytalie: Bot thei togedre of progenie No children hadde bot a Maide; And sche the god so wel apaide, That al the wide worldes fame Spak worschipe of hire goode name. Constance, as the Cronique seith, Sche hihte, and was so ful of feith, That the greteste of Barbarie, Of hem whiche usen marchandie, 600 [Sidenote: =P. i. 180=] Sche hath converted, as thei come To hire upon a time in Rome, To schewen such thing as thei broghte; Whiche worthili of hem sche boghte, And over that in such a wise Sche hath hem with hire wordes wise Of Cristes feith so full enformed, That thei therto ben all conformed, So that baptesme thei receiven And alle here false goddes weyven. 610 Whan thei ben of the feith certein, Thei gon to Barbarie ayein, And ther the Souldan for hem sente And axeth hem to what entente Thei have here ferste feith forsake. And thei, whiche hadden undertake The rihte feith to kepe and holde, The matiere of here tale tolde With al the hole circumstance. And whan the Souldan of Constance 620 Upon the point that thei ansuerde The beaute and the grace herde, As he which thanne was to wedde, In alle haste his cause spedde To sende for the mariage. And furthermor with good corage He seith, be so he mai hire have, That Crist, which cam this world to save, He woll believe: and this recorded, Thei ben on either side acorded, 630 [Sidenote: =P. i. 181=] And therupon to make an ende The Souldan hise hostages sende To Rome, of Princes Sones tuelve: Wherof the fader in himselve Was glad, and with the Pope avised Tuo Cardinals he hath assissed With othre lordes many mo, That with his doghter scholden go, To se the Souldan be converted.