Which al was torned into blod: The Dissh forthwith the Coppe and al Bebled thei weren overal; 700 Sche sih hem deie on every side; No wonder thogh sche wepte and cride Makende many a wofull mone. Whan al was slain bot sche al one, This olde fend, this Sarazine, Let take anon this Constantine With al the good sche thider broghte, And hath ordeined, as sche thoghte, A nakid Schip withoute stiere, In which the good and hire in fiere,[582] 710 Vitailed full for yeres fyve, Wher that the wynd it wolde dryve, Sche putte upon the wawes wilde. Bot he which alle thing mai schilde, [Sidenote: Qualiter nauis cum Constancia in partes[583] Anglie, que tunc pagana fuit, prope Humber sub quodam castello Regis, qui tunc Allee vocabatur, post triennium applicuit, quam quidam miles nomine Elda, dicti castelli tunc custos, e naui lete suscipiens vxori sue Hermynghelde in custodiam honorifice commendauit.] Thre yer, til that sche cam to londe, Hire Schip to stiere hath take in honde, And in Northumberlond aryveth; And happeth thanne that sche dryveth Under a Castel with the flod, Which upon Humber banke stod 720 [Sidenote: =P. i. 184=] And was the kynges oghne also, The which Allee was cleped tho, A Saxon and a worthi knyht, Bot he believeth noght ariht. Of this Castell was Chastellein Elda the kinges Chamberlein, A knyhtly man after his lawe; And whan he sih upon the wawe The Schip drivende al one so, He bad anon men scholden go 730 To se what it betokne mai. This was upon a Somer dai, The Schip was loked and sche founde; Elda withinne a litel stounde It wiste, and with his wif anon Toward this yonge ladi gon, Wher that thei founden gret richesse; Bot sche hire wolde noght confesse, Whan thei hire axen what sche was. And natheles upon the cas 740 Out of the Schip with gret worschipe Thei toke hire into felaschipe, As thei that weren of hir glade: Bot sche no maner joie made, Bot sorweth sore of that sche fond No cristendom in thilke lond; Bot elles sche hath al hire wille, And thus with hem sche duelleth stille. Dame Hermyngheld, which was the wif Of Elda, lich hire oghne lif 750 [Sidenote: Qualiter Constancia[584] Eldam[585] cum vxore sua Hermynghelda, qui antea Cristiani non extiterant, ad fidem Cristi miraculose conuertit.] [Sidenote: =P. i. 185=] Constance loveth; and fell so, Spekende alday betwen hem two, Thurgh grace of goddes pourveance This maiden tawhte the creance Unto this wif so parfitly, Upon a dai that faste by In presence of hire housebonde,