[Sidenote: Qualiter Rex Allee ad fidem Cristi conuersus baptismum recepit et Constanciam super hoc leto animo desponsauit; que tamen qualis vel vnde fuit alicui nullo modo fatebatur. Et cum infra breue postea a domino suo impregnata fuisset, ipse ad debellandum cum Scotis iter arripuit, et ibidem super guerras aliquamdiu permansit.] The king cam, as thei were acorded; And whan it was to him recorded What god hath wroght upon this chaunce, He tok it into remembrance And thoghte more than he seide. For al his hole herte he leide Upon Constance, and seide he scholde For love of hire, if that sche wolde, Baptesme take and Cristes feith Believe, and over that he seith 900 [Sidenote: =P. i. 190=] He wol hire wedde, and upon this Asseured ech til other is. And forto make schorte tales, Ther cam a Bisschop out of Wales Fro Bangor, and Lucie he hihte, Which thurgh the grace of god almihte The king with many an other mo Hath cristned, and betwen hem tuo He hath fulfild the mariage. Bot for no lust ne for no rage 910 Sche tolde hem nevere what sche was; And natheles upon the cas[594] The king was glad, how so it stod, For wel he wiste and understod Sche was a noble creature. The hihe makere of nature Hire hath visited in a throwe, That it was openliche knowe Sche was with childe be the king, Wherof above al other thing 920 He thonketh god and was riht glad. And fell that time he was bestad Upon a werre and moste ride; And whil he scholde there abide, He lefte at hom to kepe his wif[595] Suche as he knew of holi lif, Elda forth with the Bisschop eke; And he with pouer goth to seke Ayein the Scottes forto fonde The werre which he tok on honde. 930 [Sidenote: =P. i. 191=] The time set of kinde is come, [Sidenote: Qualiter Regina Constancia infantem masculum, quem in baptismo Mauricium vocant, Rege absente enixa est. Set inuida Regis mater Domilda super isto facto condolens litteris mendacibus Regi certificauit quod[596] vxor sua demoniaci et non[597] humani generis quoddam monstrosum fantasma loco geniture ad ortum produxit; huiusmodique detraccionibus aduersus Constanciam in tanto procurauit, quod ipsa in nauim, qua prius venerat, iterum ad exilium vna cum suo partu remissa desolabatur.[598]] This lady hath hire chambre nome, And of a Sone bore full, Wherof that sche was joiefull, Sche was delivered sauf and sone. The bisshop, as it was to done, Yaf him baptesme and Moris calleth; And therupon, as it befalleth, With lettres writen of record