In al this world was nevere yit. He was so drunke in al his wit Thurgh sondri lustes whiche he tok, That evere, whil ther is a bok, Of Nero men schul rede and singe Unto the worldes knowlechinge, Mi goode Sone, as thou hast herd. [Sidenote: [LOVE-DELICACY.]] For evere yit it hath so ferd, Delicacie in loves cas Withoute reson is and was;[822] 1230 For wher that love his herte set, Him thenkth it myhte be no bet; And thogh it be noght fulli mete,[823] The lust of love is evere swete. [Sidenote: Confessor.] Lo, thus togedre of felaschipe Delicacie and drunkeschipe, [Sidenote: =P. iii. 43=] Wherof reson stant out of herre, Have mad full many a wisman erre In loves cause most of alle: For thanne hou so that evere it falle, 1240 Wit can no reson understonde, Bot let the governance stonde To Will, which thanne wext so wylde, That he can noght himselve schylde Fro no peril, bot out of feere[824] The weie he secheth hiere and there, Him recheth noght upon what syde: For oftetime he goth beside, And doth such thing withoute drede, Wherof him oghte wel to drede. 1250 Bot whan that love assoteth sore, It passeth alle mennes lore; What lust it is that he ordeigneth, Ther is no mannes miht restreigneth,[825] And of the godd takth he non hiede: Bot laweles withoute drede, His pourpos for he wolde achieve[826] Ayeins the pointz of the believe, He tempteth hevene and erthe and helle, Hierafterward as I schal telle. 1260 [Sidenote: [SORCERY AND WITCHCRAFT.]] iii. _Dum stimulatur amor, quicquid iubet orta voluptas,_ _Audet et aggreditur, nulla timenda timens._ _Omne quod astra queunt herbarum siue potestas,_ _Seu vigor inferni, singula temptat amans._ _Quod nequit ipse deo mediante parare sinistrum,_ _Demonis hoc magica credulus arte parat._ _Sic sibi non curat ad opus que recia tendit,_ _Dummodo nudatam prendere possit auem._ [Sidenote: =P. iii. 44=]