The myhti god, which unbegunne Stant of himself and hath begunne [Sidenote: Postquam ad instanciam Amantis confessi Confessor Genius super hiis que Aristotiles Regem Alexandrum edocuit, vna cum aliarum Cronicarum exemplis seriose tractauit, iam vltimo in isto octauo volumine ad confessionem in amoris causa regrediens tractare proponit super hoc, quod nonnulli primordia nature ad libitum voluptuose consequentes, nullo humane racionis arbitrio seu ecclesie legum imposicione a suis excessibus debite refrenantur. Vnde quatenus amorem concernit Amantis conscienciam pro finali sue confessionis materia Genius rimari conatur.] Alle othre thinges at his wille, The hevene him liste to fulfille Of alle joie, where as he Sit inthronized in his See, And hath hise Angles him to serve, Suche as him liketh to preserve, So that thei mowe noght forsueie: Bot Lucifer he putte aweie, 10 With al the route apostazied Of hem that ben to him allied, Whiche out of hevene into the helle[1454] From Angles into fendes felle; Wher that ther is no joie of lyht, Bot more derk than eny nyht [Sidenote: =P. iii. 276=] The peine schal ben endeles; And yit of fyres natheles Ther is plente, bot thei ben blake, Wherof no syhte mai be take. 20 Thus whan the thinges ben befalle, That Luciferes court was falle Wher dedly Pride hem hath conveied, Anon forthwith it was pourveied Thurgh him which alle thinges may; [Sidenote: [THE ORIGIN OF MANKIND.]] He made Adam the sexte day In Paradis, and to his make Him liketh Eve also to make, And bad hem cresce and multiplie. For of the mannes Progenie, 30 Which of the womman schal be bore, The nombre of Angles which was lore, Whan thei out fro the blisse felle, He thoghte to restore, and felle In hevene thilke holy place Which stod tho voide upon his grace. Bot as it is wel wiste and knowe,[1455] Adam and Eve bot a throwe, So as it scholde of hem betyde, In Paradis at thilke tyde 40 Ne duelten, and the cause why, Write in the bok of Genesi, As who seith, alle men have herd, Hou Raphael the fyri swerd In honde tok and drof hem oute, To gete here lyves fode aboute [Sidenote: =P. iii. 277=] Upon this wofull Erthe hiere. Metodre seith to this matiere,[1456] As he be revelacion It hadde upon avision, 50 Hou that Adam and Eve also Virgines comen bothe tuo Into the world and were aschamed, Til that nature hem hath reclamed To love, and tauht hem thilke lore, That ferst thei keste, and overmore Thei don that is to kinde due, Wherof thei hadden fair issue.