There seems little doubt that Crashaw's two poems were born of this anonymous tractate. Cf. 'rixivomas' (p. 310) with 'vomitivam' and 'rixosa volumina linguae.' Biographically they and others secular have a special interest and value. My good friend Rev. Richard Wilton, as before, has very happily translated these playthings. G. Quid facis? ah, tam perversa quid volvitur ira? Quid parat iste tuus, posterus iste furor? Ah, truculente puer, tam foedo parce furori. Nec rapiat tragicas tam gravis ira nates. Ecce fremit, fremit ecce indignabundus Apollo. Castalides fugiunt, et procul ora tegunt. Sic igitur sacrum, sic insedisse caballum Quaeris? et, ah, fieri tam male notus eques? Ille igitur phaleris nitidus lucebit in istis? Haec erit ad solidum turpis habena latus? His ille, haud nimium rigidis, dabit ora lupatis? Haec fluet in miseris sordida vitta jubis? Sic erit ista tui, sic aurea pompa triumphi? Ille sub imperiis ibit olentis heri? Ille tamen neque terribili stat spumeus ira; Ungula nec celso fervida calce tonat. O merito spectatur equi patientia nostri! Dicite Io, tantum quis toleravit equus? Pegasus iste ferox, mortales spretus habenas. Bellerophontaea non tulit ire manu. Noster equus tamen exemplo non turget in isto: Stat bonus, et solito se pede certus habet. Imo licet tantos de te tulit ille pudores, Te tulit ille iterum, sed meliore modo. Tunc rubor in scapulas O quam bene transiit iste, Qui satis in vultus noluit ire tuos! At mater centum in furias abit, et vomit iram Mille modis rabidam jura, forumque fremit. Quin fera tu taceas; aut jura forumque tacebunt: Tu legi vocem non sinis esse suam. O male vibratae rixosa volumina linguae, Et satis in nullo verba tonanda foro! Causidicos, vesana! tuos tua fulmina terrent. Ecce stupent miseri, ah, nec meminere loqui. Hinc tua, foede puer, foedati hinc terga caballi Exercent querulo jurgia lenta foro. Obscaenas lites, et olentia jurgia ridet Turpiter in causam sollicitata Themis. Juridicus lites quisquis tractaverit istas, O satis emuncta nare sit ille, precor, At tu de misero quid vis, truculente, caballo? Cur premis insultans, saeve, tyranne puer! Tene igitur fugiet? fugiet sacer iste caballus? Non fugiet, sed, si vis, tibi terga dabit.[113] TRANSLATION. PRISCIANUS BEATING AND BEING BEATEN.