Qualiter e nido multa jam floridus ala Astra sibi meditatur avis, pulchrosque meatus Aërios inter proceres, licet aethera nunquam Expertus, rudibusque illi sit in ardua pennis Prima fides, micat ire tamen, quatiensque decora Veste leves humeros, querulumque per aëra ludens Nil dubitat vel in astra vagos suspendere nisus, At vero simul immensum per inane profundis Exhaustus spatiis, vacuoque sub aethere pendens, Arva procul sylvasque suas, procul omnia cernit, Cernere quae solitus: tum vero victa cadit mens, Spesque suas, et tanta timens conamina, totus Respicit ad matrem, pronisque revertitur auris. Quod tibi enim haec feram, vir ornatissime, non ambitio dantis est, sed justitia reddentis; neque te libelli mei tam elegi patronum, quam dominum agnosco. Tua sane sunt haec et mea; neque tamen ita mea sunt, quin si quid in illis boni est, tuum hoc sit totum, neque interim in tantum tua, ut quantumcumque est in illis mali, illud non sit ex integro meum. Ita medio quodam et misto jure utriusque sunt, ne vel mihi, dum me in societatem tuarum laudum elevarem, invidiam facerem; vel injuriam tibi, ut qui te in tenuitatis meae consortium deducere conarer. Ego enim de meo nihil ausim boni mecum agnoscere, nedum profiteri palam, praeter hoc unum, quo tamen nihil melius, animum nempe non ingratum tuorum beneficiorum historiam religiosissima fide in se reponentem. Hoc quibuscumque testibus coram, hoc palam in os cœli meaeque conscientiae meum jacto effero me in hoc ultra aemuli patientiam. Enim vero elegantiore obsequio venerentur te, et venerantur scio, tuorum alii: nemo me sincero magis vel ingenuo poterit. Horum denique rivulorum, tenuium utcunque nulliusque nominis, haec saltem laus erit propria, quod suum nempe norint Oceanum. TRANSLATION. WHEN I HAD DEDICATED CERTAIN OF MY POEMS TO MY MOST ESTIMABLE PRECEPTOR AND MOST FRIENDLY FRIEND, R. BROOKE. 'Well done, Muse!' was thy encouraging word, most estimable Præceptor; 'Well done, Muse!' fluttering its wings, which it received from thy School of late, as from Apollo's workshop, timidly as yet, nor otherwise than beneath thine eyes.