Hunc quoque materna, nimium nisi magna rogamus, Aut aviae saltem sume, Maria, manu. Est Musa de matre recens rubicundulus infans, Cui pater est partus--quis putet?--ille tuus. Usque adeo impatiens amor est in virgine Musa: Jam nunc ex illo non negat esse parens. De nato quot habes olim sperare nepotes, Qui simul et pater est, et facit esse patrem! TRANSLATION. TO HER MOST SERENE MAJESTY THE UNIVERSITY COMMENDS ITS BOOK. Deign, Queen, to this, unless we ask too much, A mother's, or at least grandmother's, touch. It is the Muse's rosy infant fine; Its father--who would think?--this Child of thine. So unrestrain'd the love of virgin Muse, To be a mother thus she can't refuse. From _him_ what grandsons round thee soon will gather, Who at once father is, and makes a father! R. WI. PRINCIPI RECENS NATAE OMEN MATERNAE INDOLIS.[125] Cresce, ô dulcibus imputanda divis; O cresce, et propera, puella princeps, In matris propera venire partes. Et cum par breve fulminum minorum, Illinc Carolus, et Jacobus inde, In patris faciles subire famam, Ducent fata furoribus decoris; Cum terror sacer Anglicique magnum Murmur nominis increpabit omnem Late Bosporon Ottomanicasque Non picto quatiet tremore Lunas; Te tunc altera nec timenda paci Poscent praelia; tu potens pudici Vibratrix oculi, pios in hostes Late dulcia fata dissipabis. O eum flos tener ille, qui recenti Pressus sidere jam sub ora ludit, Olim fortior omne cuspidatos Evolvet latus aureum per ignes; Quique imbellis adhuc, adultus olim, Puris expatiabitur genarum Campis imperiosior Cupido; O quam certa superbiore penna Ibunt spicula melleaeque mortes, Exultantibus hinc et inde turmis, Quoquo jusseris, impigre volabunt! O quot corda calentium deorum De te vulnera delicata discent! O quot pectora principum magistris Fient molle negotium sagittis! Nam quae non poteris per arma ferri, Cui matris sinus atque utrumque sidus Magnorum patet officina amorum? Hinc sumas licet, ô puella princeps, Quantacunque opus est tibi pharetra. Centum sume Cupidines ab uno Matris lumine Gratiasque centum Et centum Veneres: adhuc manebunt Centum mille Cupidines; manebunt Tercentum Veneresque Gratiaeque Puro fonte superstites per aevum. TRANSLATION. OF THE PRINCESS MARY.