Illic clausa tenent stabulis armenta; neque ullae Aut herbae campo apparent, aut arbore frondes: Sed jacet aggeribus niveis informis, et alto Terra gelu late, septemque assurgit in ulnas; Semper hiems, semper spirantes frigora Cauri. Tum Sol pallentes haud unquam discutit umbras; Nec cum invectus equis altum petit aethera, nec cum Praecipitem Oceani rubro lavit aequore currum. Concrescunt subitae currenti in flumine crustae; Undaque jam tergo ferratos sustinet orbes, Puppibus illa prius patulis, nunc hospita plaustris, AEraque dissiliunt vulgo, vestesque rigescunt Indutae, caeduntque securibus humida vina Et totae solidam in glaciem vertere lacunae, Stiriaque impexis induruit horrida barbis. Interea toto non secius aere ningit; Intereunt pecudes; stant circumfusa pruinis Corpora magna boum; confertoque agmine cervi Torpent mole nova, et summis vix cornibus exstant. ................................................. Ipsi in defossis specubus, secura sub alta Otia agunt terra, congestaque robora, totasque Advolvere focis ulmos, ignique dedere. Hic noctem ludo ducunt, et pocula laeti Fermento atque acidis imitantur vitea sorbis. Talis Hyperboreo Septem subjecta trioni Gens effraena virum Rhipaeo tunditur Euro, Et pecudum fulvis velantur corpora saetis. The Roman conception of the situation of these "Hyperboreans" and of the Rhipaean mountains may be seen in the map of Mela's world.] [Footnote 363: "Huic medio terra sublimis cingitur undique mari: eodemque in duo latera, quae hemisphaeria nominantur, ab oriente divisa ad occasum, zonis quinque distinguitur. Mediam aestus infestat, frigus ultimas: reliquae habitabiles paria agunt anni tempora, verum non pariter. Antichthones alteram, nos alteram incolimus. Illius situ ab ardorem intercedentis plagae incognito, hujus dicendus est," etc. _De Situ Orbis_, i. 1. A similar theory is set forth by Ovid (_Metamorph._, i. 45), and by Virgil (_Georg._, i. 233):-- Quinque tenent coelum zonae; quarum una corusco Semper Sole rubens, et torrida semper ab igni; Quam circum extremae dextra laevaque trahuntur, Caerulea glacie concretae atque imbribus atris. Has inter mediamque, duae mortalibus aegris Munere concessae Divum; et via secta per ambas, Obliquus qua se signorum verteret ordo.] [Sidenote: Curious notions about Ceylon.]