Rex omnibus ad quos etc. salutem. Cum per quendam actum in parliamento nostro apud London tercio die Novembris anno regni nostri vicesimo primo inchoato et deinde usque Westmonasterium adiornato et per diversas prorogaciones usque ad et in quartum diem Februarii anno regni nostri vicesimo septimo continuato et tunc ibidem tento inter alia inactitatum existit quod nos haberemus et gauderemus nobis ac heredibus nostris imperpetuum omnia et singula monasteria Prioratus ac alias domos Religiosas Monachorum Canonicorum et Monialium quibuscumque generibus siue diversitatibus habituum Regularum siue ordinum vocarentur siue nominarentur que non habebant terras tenementa redditus decimas porciones et alia hereditamenta ultra clarum annuum valorem ducentarum librarum dicti annualis claris valoris dictorum Monasteriorum ac Prioratuum capiendi ac construendi secundum clarum valorem in Scaccario nostro certificatum. Et simili modo quod haberemus et gauderemus nobis ac heredibus nostris omnes et omnimodi sectas [_sic_ (? scitos)] et circuitus eorundem Religiosarum domorum ac omnia et singula Maneria grangeas mesuagia terras tenementa reversiones redditus servicia decimas penciones porciones advocaciones patronatus ecclesiarum Capellarum annuitates iura intraciones condiciones et alia hereditamenta quecumque eisdem Monasterio Prioratibus siue domibus Religiosis non habentibus ut predicitur terras tenementa vel hereditamenta ultra predictum annuum valorem ducentarum librarum pertinentia siue spectantia adeo plene et integre prout Abbates Priores Abbatisse ac alii gubernatores huiusmodi Monasteriorum Prioratuum et aliarum Religiosarum domorum adtunc habuerunt illa aut habere debuerunt in iure domorum suarum habendum et tenendum omnia et singula premissa cum omnibus suis iuribus proficuis jurisdictionibus et commoditatibus nobis heredibus et successoribus notris imperpetuum ad inde faciendum et utendum nostras proprias voluntates Cumque eciam in actu predicto provideatur quod nos aliquo et quocumque tempore post confeccionem actus illius valeamus et potuissemus ad beneplacitum nostrum ordinare constituere et declarare per literas nostras patentes sub magno sigillo nostro conficiendas quod ille et tales huiusmodi predictarum domorum Religiosarum quas supprimendas et dissoluendas esse noluissemus essent perseurerarent starent continuarent et permanerent in eisdem suis corporibus corporatis ac in eisdem suis essencialibus statu qualitate condicione robore et effectu tam in possessionibus quam aliter prout essent et fuissent ante confeccionem actus predicti absque suppressione siue dissolucione earundem aut alicuius partis inde pretextu et auctoritate eiusdem actus Et quod quilibet talis huiusmodi ordinacio et declaracio per nos sic fienda et ordinanda esset bona secura et effectualis Capitalibus gubernatoribus huiusmodi Religiosarum domorum quas supprimendas et dissoluendas esse noluissemus et successoribus suis iuxta et secundum