77 Then bespake gode Litull John, To Robyn Hode can he say, I haue done þe a gode turne for an euyll, Quyte þe whan þ_o_u may. 78 ‘I haue done þe a gode turne,’ seid Litull John, ‘Ffor sothe as I yow say; I haue brouȝt þe vnd_e_r grene-wod_e_ lyne; Ffare wel, and haue gode day.’ 79 ‘Nay, be my trouth,’ seid Robyn Hode, ‘So shall hit neu_er_ be; I make þe maist_er_,’ seid Robyn Hode, ‘Off alle my men and me.’ 80 ‘Nay, be my trouth,’ seid Litull John, ‘So shalle hit neu_er_ be; But lat me be a felow,’ seid Litull John, ‘No nod_e_r kepe I be.’ 81 Thus John gate Robyn Hod out of p_ri_son, S_er_tan w_i_t_h_outyn layn; Whan his men saw hym hol and sounde, Ffor sothe they were full fayne. 82 They filled in wyne, and made hem glad, Vnd_e_r þe levys smale, And ȝete pastes of venyson, Þat gode was w_i_t_h_ ale. 83 Than worde came to oure kyng How Robyn Hode was gon, And how þe scheref of Notyngham Durst neu_er_ loke hym vpon. 84 Then bespake oure cu_m_ly kyng, In an angur hye: Litull John hase begyled þe schereff, In faith so hase he me. 85 Litul John has begyled vs bothe, And þ_a_t full wel I se; Or ellis þe schereff of Notyngham Hye hongut shuld_e_ he be. 86 ‘I made hem ȝemen of þe crowne, And gaf hem fee w_i_t_h_ my hond; I gaf hem grith,’ seid oure kyng, ‘Thorowout all mery Inglond. 87 ‘I gaf theym grith,’ þen seid oure kyng; ‘I say, so mot I the, Ffor sothe soch a ȝeman as he is on In all Inglond ar not thre. 88 ‘He is trew to his maist_er_,’ seid our kyng; ‘I sey, be swete Seynt John, He louys bett_e_r Robyn Hode Then he dose vs ychon. 89 ‘Robyn Hode is eu_er_ bond to hym, Bothe in strete and stalle; Speke no more of this mat_er_,’ seid oure kyng, ‘But John has begyled vs alle.’ 90 Thus endys the talkyng of the munke And Robyn Hode i-wysse; God, þ_a_t is eu_er_ a crowned kyng, Bryng vs all to his blisse! * * * * * #a.# _A curl over final_ n, _as in_ Robyn, John, on, sawten, _etc.; a crossed_ h, _as in_ John, mych, _etc.; crossed_ ll, _as in_ full, litull, well, _etc.; a hooked_ g, _as in_ mornyng, kyng, _etc., have been treated as not significant. As to_ Robyn, _cf._ 7^3, 11^{1,3}, 13^4, 14^1, _etc., where there is simple_ n; _as to_ John, 10^{1,3}, 14^3, 31^4, _etc., where we have_ Jon; _as to_ Litull, 14^{1,3}, 39^1, 68^3, 69^1, 70^3, 71^1, _where we have_ Litul. And _is printed for_ &; be twene, be fore, be side, be held, be spake, þer with, thorow out, with outen, _etc., are joined_. 3^1. tide _no longer legible_. 7^1. seid h ..., _illegible after_ h. 8^{3,6}. xij. 10^1. þ^i nown. 12^4, 13^3. v s’. 14^1. lyed _before_ Robyn _struck through_. 23^3. of a C li.