12 ‘What ys they name,’ seyde þe pott_er_, ‘Ffor pauage thow aske of me?’ ‘Roben Hod ys mey name, A wed schall thow leffe me.’ 13 ‘Wed well y non leffe,’ seyde þe pott_er_, ‘Nor pavag well y non pay; Awey they honde ffro mey hors! Y well the tene eyls, be mey ffay.’ 14 The potter to hes cart he went, He was not to seke; A god to-hande staffe þ_e_rowt he hent, Beffor_e_ Roben he leppyd. 15 Roben howt w_i_t_h_ a swerd bent, A bokeler en hes honde; The pott_er_ to Roben he went, And seyde, Ffelow, let mey hors go. 16 Togeder then went thes to yemen, Het was a god seyt to se; Ther_e_of low Robyn hes men, Ther_e_ they stod onder a tre. 17 Leytell John to hes ffelowhe[s] seyde, ‘Yend pott_er_ well steffeley stonde:’ The pott_er_, w_i_t_h_ a acward stroke, Smot the bokeler owt of hes honde. 18 A[nd] ar Roben meyt get het agen Hes bokeler at hes ffette, The pott_er_ yn the neke hem toke, To the gronde sone he yede. 19 That saw Roben hes men, As thay stod onder a bow; ‘Let vs helpe owr_e_ mast_er_,’ seyde Lytell John, ‘Yonder pott_er_,’ seyde he, ‘els well hem slo.’ 20 Thes yemen went w_i_t_h_ a breyde, To ther mast[er] they cam. Leytell John to hes mast[er] seyde, Ho haet the wager won? 21 ‘Schall y haffe yowr_e_ forty shillings,’ seyde Lytl John, ‘Or ye, mast_er_, schall haffe myne?’ ‘Yeff they wer_e_ a hundred,’ seyde Roben, ‘Y ffeythe, they ben all theyne.’ 22 ‘Het ys fol leytell cortesey,’ seyde þe potter, ‘As y haffe harde weyse men saye, Yeffe a por_e_ yeman com drywyng on the wey, To let hem of hes gorney.’ 23 ‘Be mey trowet, thow seys soyt,’ seyde Roben, ‘Thow seys god yeme[n]rey; And thow dreyffe fforthe yeu_er_y day, Thow schalt neuer be let ffor me. 24 ‘Y well prey the, god pott_er_, A ffelischepe well thow haffe? Geffe me they clothyng, and þow schalt hafe myne; Y well go to Notynggam.’ 25 ‘Y gra[n]t ther_e_to,’ seyde the potter, ‘Thow schalt ffeynde me a ffelow gode; Bot thow can sell mey pott_ys_ well, Com ayen as thow yode.’ 26 ‘Nay, be mey trowt,’ seyde Roben, ‘And then y bescro mey hede, Yeffe y bryng eny pott_ys_ ayen, And eney weyffe well hem chepe.’ 27 Than spake Leytell John, And all hes ffelowhes heynd, ‘Mast_er_, be well war_e_ of the screffe of Notynggam, Ffor he ys leytell howr ffrende.’ 28 ‘Heyt war howte!’ seyde Roben, ‘Ffelowhes, let me a lone; Thorow the helpe of Howr Ladey, To Notynggam well y gon.’ 29 Robyn went to Notynggam, Thes pott_ys_ ffor to sell; The pott_er_ abode w_i_t_h_ Robens men, Ther_e_ he ffered not eylle. 30 Tho Roben droffe on hes wey, So merey ower the londe: Her es mor_e_, and affter ys to saye, The best ys beheynde.