54. Ung plat d'estain ou il y a dedans aucun fruyt. 55. Ung mortier de mabre. 56. Une coquille de lymesson de mer. 57. Ung petit dragon élevé sur une motte, verre meslangiée de ratz. 58. Quatre aultres moiens pots de pourcelayne. Accoustremens de plumes, venuz des Indes, présentées de par l'Empereur a Madame a Bruxelles, le XXe jour d'Aoust XVCXXIII et aussi de par Monseigneur de la Chaulx, le tout estant en ladite librairie. (Quarante articles répondent à ce titre; je les omets parce que l'art au moins l'art tel que nous l'entendons, n'est pour rien dans la composition de ces objets. On lit à la suite de ce chapitre:) 59. Ung tableau où est escripte la complaincte de Madame. 60. Le couronnement de l'empereur fait à Bologne. 61. La bataille de Pavye. 62. Receu à Bruxelles de l'empereur par les mains de Symonet son varlet de chambre, les pourtraitures de la Royne douairière d'Ongrie sa seur faicte sur toille par Me. Jehan, paintre de feu Madame.[152] [152] Voici un des articles ajoutés à l'inventaire et à la garde de Richart Coutault. Ce Jehan peintre de Madame, doit être Jean de Maubeugé dit Mabuse. 63. Et deux tableaux de pourtraitures des deux fils et des deux filles du Roy des Romains don Fernandez, le fond desdiz tableau est de cyprès. Cabinets déans l'hostel de madite Dame, en sa ville de Malines. _Et premièrement en la première chambre dudit cabinet. Painctures:_ 64. Ung tableau de la prinse Nostre Seigneur a vii personnages. Le fond dudit tableau gris. 65. Ung autre tableau de la pourtraiture de la fille du Roy Henry d'Angleterre, moderne, habillée de velours noir et une cotte de toille d'or, tenant ung papegay sur sa main senestre. 66. Ung aultre tableau qui s'appelle l'Infante de Fortune, à ung hault bonnet rond, habillé d'une robe noire sans manches et sans fante devant. Le fond de mabre tirant sur pourpre. 67. Ung autre tableau d'ung personnaige habillé d'une robbe et chapperon bleu, à court cheveux, fait après le premier duc de Brabant. Le fond noir où est escript: Waysellaws. 68. Ung tableau fait après le Roy de Dannemarcque, tenant une lettre en sa main, ayant une chemise à hault collet, pourtant la thoison d'or pendant à ung courdon de soye, le fond verd. 69. Ung aultre tableau de la pourtraiture du feu Roy Don Fernande, Roy d'Arragon, ayant une chayne d'or à son col, y pendant une croix. 70. Ung aultre tableau de Nostre Dame, ayant ung manteau rouge; ès bors dudit tableau il y a quatre A et quatre E. 71. Ung aultre tableau, bien fait, après la Royenne d'Angleterre, à ung chief ayant une robbe de velours cramoisy, une chayne d'or au col y pendant une baguette.