196. Ung petit tableau de Nostre Dame, pendant à ung petit fillet de soye rouge, ayant une patenostre de courat rouge en son bras, le fond doré.[165] [165] Les Nos. 125, 173, 194, et 196 répondent, chacun, à chacun de ces trois articles de l'inventaire de 1516:--(1) Une petite ND. fait de la main de Dirick (Stuerbout) (2) Ung petit tableaul de ND. bien vieulx de la main de Foucquet, ayant estuy et couverture. (3) Ung tableaul de ND. du duc Philippe qui est venu de maillardet, couvert de satin bronché gris et ayant fermaulx d'argent doré et bordé de velours vert. Fait de la main de Johannes (Jean Van Eyck). (4) Une bien petite ND. de illuminure, de la main de Sandres. 197. Ung aultre petit tableau de Nostre Dame, d'ung costel et de Sainct Jehan l'évangéliste et de Saincte Marguerite tirez après le vif du feu prince d'Espaigne, mary de Madame, aussi après le vif de ma dite Dame.[166] [166] L'Inventaire de 1516 décrit ainsi ce tableau. 'Ung bien petit tableaul à double feullet de la main de Michiel (Coxie) de l'ung des coustez de Nostre Dame... de l'autre costez d'ung sainct Jehan et de saincte Marguerite, faiz à la semblance du prince d'Espaigne et de Madame. 198. Ung aultre double tableau, en l'ung est Nostre Seigneur pendant en croix et Nostre Dame embrassant le pied de la croix et en l'autre l'histoire de la messe MS. Sainct Grégoire.[167] [167] Voici le nom du peintre d'après l'inventaire de 1516, beaucoup moins détaillé que celui-ci, mais plus explicite sur les auteurs de ces peintures parce qu'il a été rédigé sous les yeux de l'archi-duchesse elle-même: 'Ung petit tableau d'ung cruxefix et d'ung Sainct Grégoire. Fait de la main de Rogier (Van der Weyden).' 199. Ung aultre tableau vieux de Dieu le Père; tenant son filz nuz entre ses bras, le Sainct Esperit en forme coulombé entre Dieu le Père assiz sur ung arc en ciel et une pomme ronde soubz les pieds de NS. 200. Ung aultre bien petit tableau de bois, où il y a une teste d'ung homme eslevée avec certaine escripture des deux lignes, fête sur couleur rouge et est bien de petite valeur. 201. Une petite Nostre Dame en papier, fête de Illyminure, tenant son fils, son habit d'asul et une petite bande dessus bordée d'ung petit bore d'argent de bassin. 202. Ung petit tableau d'ivoire, à ung vieux personnaige pourtant la thoison d'or les quatres coins dudit tableau d'argent doré et sur ung chacun ung fusil pendant à une petites chaine d'argent. 203. Ung aultre petit tableau carré d'argent doré, le fond d'esmail rouge, à ung personnaige ayant le visaige fait d'ung camehu, derrière lequel tableau est escript le duc de Berry. 204. Ung myroir assiz en gaie (jais) noir, fait en manière de cueur, et de l'autre costel ung cueur en presse sur une marguerite.