245. Plus receu à Bruxelles, par les mains de Symonet, varlet de chambre de l'empereur, les parties de painctures qui s'en suyvent: premiere la pourtraicture de l'empereur moderne Charles Ve de ce nom, tirée après le vief faicte pas compas, sur toille, fort bonne. 246. La pourtraicture de la reyne Marye, douairiere d'Ongrie, aussi faicte sur toille, de mendre grandeur que la précédente. 247. Ung tableau double de cyprès, déans lequel sont pourtraitz les premiers fils et fille du roy des Romans. 248. Aultres semblable tableau où sont aussi pourtraiz les seconde fils et filles dudict seigneur roy des Romains. _Les pièces de Vaicelles d'or et d'argent cy après escriptes sont es mains dudict garde joyaulx, ensemble les riches tappisseries et aultres biens meubles cy après escripts._ 249. Ung grande couppe d'or ouvrée à feuillages pesant vi{m} i{o} xiii{e}. (On lit en marge:) Cette première couppe d'or et du corps de la salière est parlé au IIIe article suyvant, ont par ordonnance de Madame esté rompues et en sont esté faictes trois petites couppes pour en servir le voiaige de Cambray où la paix fut faicte et depuis Madame des donnyt aux marquise d'Arscot, contesses d'Aygremont, et de Gaure qui avoyent esté audit Cambray. (Je ne cite que cet article mais les autres portent les mentions de même nature, qui prouvent combien les objects d'orfevrerie ont subi de transformation sous les pressions des grandes nécessités comme aussi au moindre propos.) _Tappisseries garnies de fil d'or, d'argent, de soie, et aultres estouffes, comme s'ensuyt._ 250. Premier: deux pièces de tappisseries, faictes de fil d'or et d'argent et de soie, bien riche, de l'istoire et des faiz de Alexandre le Grant, qui sont venue d'Espaigne. La première contient vii aulnes i cart de haulteur et unze aulnes v carts de l'argeur. 251. Quatre pièces de tappisseries de l'istoire de Ester, bien riche et faictes et ouvrés d'or et d'argent et de soie, qui sont venues de la maison de céans. 252. Trois pièces de tappisserie du credo, belles et riches, où il y a de l'or et de soye, qui sont venuz d'Espaigne. 253. Une pièce de tappisserie de Alexandre. 254. Quatre pièces de tappisserie de Sainct Eslayne (Ste. Hélène), sans or ne argent, qui est venue d'Espaigne, garnie de boucran blanc. 255. Six pièces de tappisseries appellée la cité des Dames données par ceulx de Tornay. _Tapis Veluz._ _Tappisserie de Morisque._ 256. Six pièces de tappisserie de maroquin rouge, bourdée de mesme cuyr, figuré de drap d'or sur verd, et menuz personnaiges à trois pilliers chacune pièce la brodure d'ambas à seraines (sirennes). _Coussins de Morisque._