"Sir William fills the twa armed chair, While Symon, Roger, Glaud, and Mause, Attend, and wi' loud laughter hear Daft Bauldy bluntly plead his cause: For now it's tell'd him that the taz[47] Was handled by revengeful Madge, Because he brak guid breeding's laws, And wi' his nonsense raised their rage. [Footnote 47: _Birch_ or strap.] Bauldy, however, confesses his wrong, and adds-- "But I had best Haud in my tongue, for yonder comes the _ghaist_[48] An' the young bonny _witch_, whose rosy cheek Sent me, without my wit, the de'il to seek." _Sir William_ (_looking at Peggy_). --Whose daughter's she that wears the aurora gown, With face so fair, and locks o' lovely brown? How sparkling are her eyes? What's this I find, The girl brings all my sister to my mind. Such were the features once adorned a face, Which death so soon deprived of sweetest grace. Is this your daughter Glaud? _Glaud._--Sir, she's my niece, An' yet she's not, but I shoud haud my peace. _Sir Wil._--This is a contradiction. What d' ye mean? She is, and is not! pray thee, Glaud, explain. _Glaud._--Because I doubt, if I shou'd mak' appear, What I hae kept a secret thirteen year-- _Mause._--You may reveal what I can fully clear. _Sir Wil._--Speak soon; I'm all impatience. _Patie._--Sae am I! For much I hope, an' hardly yet ken why. _Glaud._--Then, since my master orders, I obey. This _bonny foundling_, ae' clear morn o' May, Close by the lea-side o' my door I found, A' sweet an' clean an' carefully hapt[49] 'round, In infant weeds, o' rich and gentle make. What could they be, thought I, did thee forsake? Wha, worse than brutes, cou'd leave exposed to air Sae much o' innocence sae sweetly fair, Sae helpless young? for she appeared to me Only about twa towmands[50] auld to be. I took her in my arms; the bairnie smiled, Wi' sic a look, wad mak a savage mild. I hid the story: she has pass'd sinsyne[51] As a poor orphan, an' a niece o' mine: Nor do I rue my care about the wean, For she's weel worth the pains that I hae tane. Ye see she's bonny; I can swear she's guid, An' am right sure she's come o' gentle bluid, O' wham I kenna.[52] Naething I ken mair, Than what I to your honor now declare. _Sir Wil._--This tale seems strange! _Patie._--The tale delights my ear! _Sir Wil._--Command your joys, young man, till truth appear. _Mause._--That be my task. Now sir, bid a' be hush; Peggy may smile; thou hast nae cause to blush. Lang hae I wish'd to see this happy day, That I may safely to the truth gi'e way; That I may now Sir William Worthy name, The best and nearest friend that she can claim: He saw 't at first, an' wi' quick eye did trace His sister's beauty in her daughter's face.