6{o} die Julii comparuit coram nobis doctor Goodefyld ordinis minorum et olim gardianus eiusdem loci, qui fide media confessus est Ricardum Leke recepisse in firmam ab eodem, tempore prioratus sui, et conuentu eiusdem loci, quemdam ortum infra cepta sua secundum tenorem cuiusdam indenture inde confecte, quam indenturam affirmat eadem fide fuisse legittime factam. Hoc idem testificante fratre vocato Brown bacallario sacre theologie eiusdem loci (_ibid._). (Aug. 12). Gardianus fratrum Minorum promisit fide data quod seruabit pacem domini regis pro se et suis, quantum in illo est, aduersus Ricardum Leke, et si contingat fratres suos perturbare predictum Ricardum, quod retinebit eos in salua custodia quousque res maturius possit examinari, si possit deuenire in noticiam eorum (fol. 197{b}). (Jan. 23, 1513/4). Comparuit coram nobis gardianus fratrum minorum et constituit suum procuratorem Magistrum Carew cum clausulis necessariis, etc. (fol. 210). Eodem die Mr. Carew nomine procuratoris pro ecclesia fratrum minorum petiit restitucionem in integrum aduersus quemdam contractum indentatum inter predictos fratres et Richardum Leke cuius datum est, etc., et causa est quia predicta Ecclesia ut asseruit est grauiter lesa et in futuro erit, ad quod probandum accepit terminum viz. istum diem ad octo dies (_ibid._). (Feb. 19). Comparuit coram nobis eodem die Ricardus Leke, et conquestus est de fratre Johanne Haruey, gardiano fratrum minorum, de et super quodam contractu indentato inter eos pro quodam gardino et expensis factis circa idem infra precinctum fratrum predictorum: et post multa communicata amicabilia inter partes predictas, tandem compromiserunt se expectare laudum, arbitramentum, et determinacionem Johannis Cokkes, legum doctoris, et Willelmi Balborow, utriusque juris bachularii, in alto et in basso, in omnibus causis, negociis, et querelis, motis vel mouendis, inter predictos fratrem et Ricardum, concernentibus se et conuentum suum, pro predicto gardino, edificio murorum, et occasione eorundem, a principio mundi usque in presentem diem; ita quod feratur sentencia siue laudum per predictos arbitros citra festum annunciationis B. Virginis ... (fol. 212{b}). 16 Extracts from the will of Richard Leke, A. D. 1526. Prerog. Court of Canterbury, Register Porch, quire 9.