3º Clarissimus auctor, cap. 7, p. 3 _Theod._, profitetur se "magis speciatim ac si fieri possit, paulo apertius _declarare velle_ ea quae ad veritatem cognoscendam spectant". Quaedam tamen ibi leguntur, de quorum intelligentia dubitationes oriri possent. Pag. 216, haec habentur: "Veritatem internam immediate cognoscere possumus, externam non sine interposita fide". Et pag. 219: "_Necesse est_ ... ut institutio aliena nobis manifestas faciat veritates quae nec mere animi affectiones sunt, nec sub sensus nostros externos cadunt". Plura alia ejusdem generis ibi obvia sunt, quae contra mentem auctoris forte in alienos sensus torqueri possent, et ad id adhiberi, ut vis humanae rationis extenuaretur, et argumenta quae pro veritatibus externis demonstrandis adhibentur ita infirmarentur, ut certitudinem illam minime afferrent, quae in iis homini omnino necessaria est. II. RESCRIPT OF THE S. CONG. OF RITES TO THE BISHOP OF ST. BRIEUC ON THE FORM OF SURPLICE TO BE WORN IN ADMINISTERING THE SACRAMENTS. REVERENDISSIME DOMINE UTI FRATER, Praecipuas curas quas Amplitudo Tua religiosissime impendere non cessat ut iterum assumpta liturgia romana in ista tot nominibus commendabili Briocensi diocesei integra servetur, non solum quoad rationem divinorum officiorum et sacrosancti missae sacrificii, verum etiam in reliquis vel functionibus ecclesiasticis, vel sacris caeremoniis, dum SS. D. N. Pius Papa IX. et Sacra Rituum Congregatio cum gaudio comperiunt, Amplitudinis Tuae zelum, et erga hanc sanctam apostolicam Sedem devotionem promeritis laudibus, commendatione, praecipua extollunt. Cum vero impraesentiarum Amplitudo Tua exponat, num, attentis addictissimi tui cleri votis, recedere liceat a prudenter a te decretis de anno 1848 pridie idus decembris quoad vestes adhibendas a sacerdotibus choro interessentibus quin canonicali titulo sint insigniti, itemque in sacramentorum administratione; ac proinde permittere _ut utantur cotta cum alis_, vel _rochetto manicis destituto_, Sanctissimus item Dominus, cui fideliter per me infra scriptum Sacrorum Rituum Congregationis prosecretarium litterae Amplitudinis Tuae relatae fuerunt, per particulares hasce litteras Amplitudini Tuae significandum praecepit, ut qua polles religione et eloquio allabores, ut praescripta cotta cum manicis largioribus juxta romanum morem omnino in choro utantur qui non sunt canonici, quam tamen ad extremitates textili pinnato, vel alio ornatu acu picto decorare liceat: verum in sacramentorum administratione cotta cum stola, uti plura exigunt decreta et rituale requirit, omnino adhibenda est. Dum ita SS. D. N. mentem Amplitudini Tuae aperio, eidem diuturnam exopto felicitatem. Romae, 12 februarii 1852. Amplitudinis tuae, uti Frater, A card. LAMBRUSCHINI, S. R. C. P. LOCUS [+] SIGILLI. III. RESCRIPT OF THE S. CONG. OF INDULGENCES. Inter dubia _de Translatione festorum_, quae N. huic Sacrae Congregationi Indulgentiarum obtulerat enodanda, sequens propositum est: