[Illustration] A PARIS, CHEZ IEAN REGNOVL, ruë du Foin, pres sainct Yues. 1610. _Auec permission._ A LETTER MISSIVE IN REGARD TO THE CONVERSION AND BAPTISM of the grand Sagamore of New France, who was, before the arrival of the French, its chief and sovereign. _Containing his promise to secure the conversion of his subjects also, even by strength of arms._ Sent from Port Royal, in New France, to Sieur de la Tronchaie, dated June 28, 1610. PARIS, JEAN REGNOUL, Rue du Foin, near Saint Ives. 1610. _With permission_. [3] Lettre Missive, Tovchant la Conversion et Baptesme du Grand Sagamos de la nouuelle France, qui en estoit auparauant l'arriuée des François chef & souuerain. MONSIEVR & Frere, Ie n'ay voulu laisser partir le nauire sans vous faire sçauoir des nouuelles de ce païs que ie croy aurez agreables, d'autant que ie sçay, qu'estes bon Catholique, C'est que le Grand Sagamos, qui se dit en nostre langue Grand Capitaine des Sauuages, & le premier de tous, s'est fait baptiser le iour de la sainct Iean Baptiste derniere, [4] auec sa femme, ses enfans, & enfans de ses enfans, iusques au nombre de vingt: auec autant de ferueur, ardeur & zele à la Religion que pourroit faire vn qui y auroit esté instruict depuis trois ou quatre ans: Il promet faire baptizer les autres, autrement qu'il leur fera la guerre: Monsieur de Poutrincourt & Monsieur son fils les ont tenus au nom du Roy, & de Monseigneur le Dauphin. [_Les nouvelles de la mort du Roy n'estoi[~e]t encores en ce pays là._] C'est desia vn beau commencement, ie croy que cy apres ce sera encores mieux: Quant au pays, iamais ie n'ay veu rien de si beau, meilleur ny plus fertile, & vous dis auec verité, & sans mentir, que si i'auois trois ou quatre Laboureurs maintenant auec moy, & [5] pour les nourrir vne année, & du bled pour ensemencer le labourage qu'ils pourroient faire de leurs bras seulement, du surplus qui me reuiendroit apres leur nourriture, i'espererois faire trafiq tous les ans de sept ou huict mille liures en Castors & Pelleterie: Ie suis bien marry auant que partir que ie ne sçauois ce que ie sçay, i'eusse employé le verd & le sec ou i'en eusse amené deux ou trois, & deux muids de bled qui est peu de chose: Vous asseurant qu'il fait beau trafiquer par deçà & faire vn beau gain: Si vous voulez y entendre, mandez moy vostre volonté par ce porteur qui