LA persecutée, & triomphãte Dame, que S. Iean vit en son Apocalypse, sçauoir est, l'Eglise de Dieu, ou encores mystiquement toute ame esleuë, _Cruciatur_ [131] _vt pariat_; endure beaucoup de conuulsions, & tranchées, à pouuoir enfanter. Aussi la conception, & le proiect de toute bonne oeuure a besoin de grace. Car en fin sans ceste semence, & germe celeste nos coeurs ne peuuent rien concepuoir, ny former d'organique, fecond & viuant. Mais quand ce vient à esclorre le bon oeuure, ie veux dire quand le terme de ce pieux enfantement de vertu approche, lors il semble que tout conspire à la suffocation de ceste diuine creature, lors faut-il sentir des douleurs, & trãses, que Satan suscite, & craindre plustost d'vn auortem[~e]t infructueux, qu'auoir esperance d'vn heureux accouchement. Les Iesuites ont experimenté cecy par tout, & nommém[~e]t aux effets salutaires, qu'ils ont desiré produire à la conuersion de la nouuelle France. Nous [132] auons dit cy deuant, que l'assignatiõ leur auoit esté baillée à Dieppe au 24. d'Octobre, qu'en ce temps-là le nauire deuoit estre cõme l'oiseau sur la branche n'attendant rien plus, que de voler. Mais bien loin de conte: Ils trouuerent à Dieppe, que le nauire n'estoit pas seulement radoubé. De plus, à leur arriuee grãd bruit parmy la Reforme. Car le sieur Robin, qui (comme nous auons dit) soustenoit, toute la charge de l'embarquement, auoit donné cõmission à deux marchands de la Pretenduë, appellés du Chesne, & du Iardin, de vacquer au radoub & cargaison du nauire soubs promesse de satis-faire à leurs vacations, & parties, & ensemble de les associer à quelque part du profit, qui reuiendroit de la traicte de pelleterie, & de la pesche des molues. Or les Marchands n'auoyent [133] guieres auancé de la besongne iusques à lors, ie ne sçay pourquoy: & dés lors mesme ils commencerent encores à reculer. Car ils s'opiniastrerent, iurants par leur plus haut iuron, que si les Iesuites deuoyent entrer dans ce nauire, ils n'auoyent que faire d'y rien mettre. Qu'ils ne refusoyent point tous autres Prestres, ou Ecclesiastiques, voire qu'ils s'offroi[~e]t à les nourrir; mais que pour des Iesuites: insociable antipathie. CHAPTER XIII. [i.e., xii.] THE OPPOSITIONS, AND DIFFICULTIES, WHICH AROSE AT DIEPPE: AND HOW THEY WERE OVERCOME.