IAMAIS forte marée n'arriua plus à propos à nauire assablé pour le degager des basses eaux, & le remettre en haute mer pour gaigner païs, que l'associatiõ des Iesuites se rencontra propice au sieur Robin, pour auoir cõmodité de fournir sõ vaisseau de Canada, & le deliurer des barres, entre lesquelles il se trouuoit arresté. Car il estoit fils de famille, & partant vous pouuez estimer qu'il n'auoit pas les millions à commãdement; [138] son pere aussi n'auoit que faire d'entendre aux nauigations d'outre-mer, ayãt tout fraischement entrepris le grand party du sel, qui requiert vn fonds, & vne occupatiõ si grande, que chacun sçait. Ie dis cecy, parce que le factieux escriuain, iugeãt mal des benefices de Dieu, impute aux Iesuites, que le sieur de Bi[~e]court ne partit plustost de Dieppe pour la nouuelle France, estãt neatmoins le contraire: car à leur occasion lon trouua de l'arg[~e]t pour mettre viste la voile au vent: ce qu'on ne pouuoit faire sans cela. On desmare donques le vingt sixieme de Ianuier l'an 1611, auec d'autãt plus de reiouissance, que les disputes & l'attente auoyent causé d'ennuy. Encores partit-on trop tost, pour arriuer si tard: car on cõsuma quatre moys en la nauigation; & alla on surgir premierement [139] à Campseau, à cause de quoy on fut contraint puis apres de costoyer la terre auec surseance en plusieurs endroits. Ceste coste iusques à Port Royal est d'enuiron six vingts lieües. CHAPTER XIV. [i.e., xiii.] THE VOYAGE, AND ARRIVAL AT PORT ROYAL.