La nuict venuë, & ja close, le Capitaine Merueille s'en reuint à son logis, ne sçachant rien de ses hostes. La sentinelle l'oyant approcher cria son _qui voila?_ Le Maloüin, qui p[~e]soit que ce fust quelqu'vn des siens, respondit se mocquant, mais qui voila timesme? Et tousiours poursuiuoit auançant. La sentinelle tout de bon luy delascha son mousquet contre. Et bien merueille fut que Merueille ne fut ny tué ny blessé. Mais il fut [169] bien estonné, & plus encores voyant aussi tost des gensd'armes sur soy l'espée nuë, qui le saisirent & emmener[~e]t dans la maison, comme vous pouuez penser en tel accident, que font gens de pouldre & de corde; leurs crys, leurs menaces, & leurs faicts. Le pauure homme ne se trouuoit point bien de sa personne ja dés plusieurs iours, & lors il estoit tout harassé du chemin. Plusieurs inconueni[~e]s de perte, & de maladie luy estoi[~e]t arriuez ceste année là, comme pour l'accabler; Partant se voyant ainsi tombé comme dans vn abysme subitement, il ne sçauoit où il estoit. Il se coucha aupres du feu tout de son long, se lamentãt: les gardes estoient tout à l'entour de luy. Le P. Biard voyant la confusion en laquelle estoit toute la maison, & n'y pouuant donner ordre se mit à prier Dieu au pied [170] d'vn banc, qui estoit contre vu des licts assez loin du feu. Merueille, ayant eu quelque respit pour sentir ses miseres, & se recognoistre, & ayant apperceu le P. Biard qui prioit, se leuant subitement en sursaut, tout troublé, & à coup s'alla ietter à genoux aupres dudit Pere, à qui neantmoins il n'auoit iamais parlé auparauant, & luy dit: Mon Pere, ie vous prie confessez-moy, ie suis mort. Le P. Biard se leua pour le consoler, s'apperceuant bien, qu'il estoit troublé; Tout le corps-de-garde tourna les yeux de mesme sur eux, & chacun aduisoit autour de soy s'il y auoit rien à craindre. De fortune, ou à dessein, comme que ce soit, ie n'en sçay rien, vn certain eceruelé va trouuer à deux bons pas de Merueille vn poictrinal tout chargé, amorcé, le chien abatu, & s'escria: O le traistre! il auoit enuie [171] de se saisir de ce poytrinal, & faire quelque coup. Le Malouïn respondit, que cela ne pouuoit estre, parce que dés sa venuë il auoit tousiours esté en leurs mains; & partant il estoit impossible, qu'il eust preparé, ny mesmes veu ce poytrinal, & que quand mesmes il l'eust veu, qu'il en estoit trop loin pour s'en saisir sans estre preuenu. Mais nonobstant tout son dire, il fut garrotté, luy, & trois de ses gens, qui sembloyent estre les plus mauuais.