For this reason he allots to each one his part of the [82] farce; but it would be tedious to describe, for it lasts fully three hours. Le sommaire est, que le Iongleur enfoüit dans vn creux bien profond en terre vne cheuille, à laquelle il attache vne corde. Puis ayant fait diuers chants, danses & hurlements sur le trou, & sur le malade, qui n'en est pas loin, tel qu'il y en auroit assez pour estourdir vn homme bien sain; il prend vn' espee toute nuë, & s'endemene si furieusement çà & là, qu'il en suë à grosses gouttes par tout le corps, & baue comm'vn cheual. Sur quoy les spectateurs estant ja intimidés: luy d'vn effroyable & vrayement energumenique ton, redouble ses denontiations, & mugissements, qu'on se garde, il est en fougues le Satan, il y a du grand danger. A ce cry les pauures abusez deuienn[~e]t pasles, [83] à demy morts comme linge, & tremblent comme la fueille sur l'arbre. En fin cest affronteur s'escrie d'vn autre accent plus gaillard. _Il en a le maudit cornu: Ie le vois là tout estendu aux abois, & pantelant dedans la fosse._ Mais courage; il le faut auoir du tout, & l'exterminer entierement. Adonc le monde present bien-aise, & tous les plus robustes de grande ioye se iettent à la corde pour enleuer Satan, & tirent, tirent. Mais ils n'ont garde de l'auoir: l'Autmoin ayãt trop bi[~e] fiché la cheuille. Ils tir[~e]t encore vn' autrefois tant qu'il peuu[~e]t, mais pour neant. Tandis le Pilotoys de temps en temps va descharger ses blasphemes dessus la fosse, & faisant semblant de donner à l'ennemy d'enfer de grandes estocades, deschausse peu à peu la cheuille, laquelle en fin à force de tirer s'arrache, apportant [84] auec soy quelques badineries, que le charlatant auoit attachée au bout, comme des ossements pourris de mouluë, de roigneures de peaux chargées de fiente, &c. Alors ioye par tout; il a esté tué le meschant Lucifer. _Nepq. Nepq._ Tenez, en voyez-vous les marques? O victoire! vous guerirez, malade; Ayez bonne esperance, si le mal n'est point plus fort que vous: ie veux dire, si le Diable ne vous a ja blessé à mort.