4. Voila pour le temporel: mais pour le spirituel, auquel l'indicible, grace de Dieu nous surhausse iusques au surnom & gloire de tres-Chrestiens. Calculons & supputons les benefices qui nous accompaignent & obligent [335 i.e., 337] incessamment en suite de ce premier la vocation à l'Eglise Saincte & cognoissance de nostre Sauueur Iesus-Christ; & lors nous pourrons sommer combien grande seroit l'ingratitude, & combi[~e] horrible chastiment elle porteroit encroupe, si nous ne taschions de faire priser ceste grace, la communiquant à nos proches à la proportion de nos moyens, & redeuances. Tel chastiment a esté sagement remarqué par le venerable Bede. Car quelque peu auant son aage, les Escossois furent illustrés de diuine lumiere, à ce qu'ils se recogneussent estre tombés en heresie par illusion, & mesgarde; là où les Bretons, ou ceux de la Prouince de Galles, furent precipités en l'abysme, & tenebres des faux-bourgs d'Enfer, les heresies, desquels deux effects si contraires, & si opposés ce grand Sainct, [336 i.e., 338] & cognoissant veritable des oeuures de la prouidence, & Iustice Eternelle; en rapporte les causes à deux dispositions diuerses de l'vn, & l'autre peuple. Parce, dit-il, que les Escossois auoyent aumosné aux Anglois auparauant par grande charité, & deuotion ce qu'ils auoyent reçeu de la verité Euangelique; & partant Dieu leur volut faire misericorde à mesure comble, & entassee, leur ouurant les yeux, pour y se voir deceus, & trompés. Là où les Bretons, soit par negligence, soit par autre intemperie d'ame, ne s'estoient guieres souciez de voir lesdicts Anglois perir miserablement en leur infidelité; Et partant meriterent cõme seruiteurs ingrats de perdre le talent de la foy Catholique, lequel ils n'auoyent daigné mettre à profit, & d'autruy, & d'eux mesmes. O que [337 i.e., 339] de choses nous aurions à penser, & dire sur ce sujet.