Lettre du R. P. Charles Lallemant Superievr des Missions en Canada au R. P. Prouincial des RR. Pères Recollects. M_ON REUEREND PERE, Pax Christi._ _Ce seroit estre par trop mescognoissant de ne point escrire à vostre Reuerence, pour la remercier, tant des lettres qui furent dernierement escrites en nostre faueur aux Peres qui sont icy en_ [870] _la nouuelle France, comme de la charité que nous auons receues desdits Peres, qui nous ont obligez pour vn iamais, ie supplie nostre bon Dieu qu'il soit la grande recompence & des vns & des autres, pour mon particulier i'escris à nos Superieurs, que i'en ay vn tel ressentiment que l'occasion ne se presentera point que ie ne le fasse paroistre, & les supplie quoy que d'ailleurs bien affectionnez de tesmoigner à tout vostre sainct Ordre le mesme ressentiment. Le P. Ioseph dira à vostre Reuerence le suict de son voyage pour le bon succez duquel, nous ne cesserons d'offrir & prieres & sacrifices à Dieu, il faut ceste fois aduancer à bon escient les affaires de nostre Maistre, & ne rien obmettre de ce qu'on pourra s'aduiser estre necessaire, i'en ay escrit à tous ceux que i'ay creu y pouuoir contribuer que ie m'asseure s'y emploieront si les affaires de France le permettent, ie ne doute point que vostre Reuerence ne s'y porte auec affection, & ainsi_ virtus vnita, _fera beaucoup d'effet, en attendant le succez ie me recommande aux saincts Sacrifices de vostre Reuerence, de laquelle ie suis._ De Kebec ce 28. Iuillet 1625. Tres-humble seruiteur Charles Lalemant. A mon Reuerend Pere le P. Prouincial des RR. Peres Recollects. Letter from the Reverend Father Charles Lallemant, Superior of the Missions of Canada, to the Reverend Father Provincial of the Reverend Recollect Fathers. M_Y REVEREND FATHER: The peace of Christ be with you._