aucun arrest, destourbier ou empeschement au contraire en corps ne en biens en manière quelconque. Ains se son corps ou aucuns de ses biens non confisquiez sont ou estoient pour ce prins saisiz, arrestez ou empeschiez, les mectent ou facent mectre incontinent et sans delay à playne et entière délivrance. Car ainsi nous plaist-il. Et affin que ce soit chose ferme et estable a tousjours nous avons fait mectre nostre scel à ces présentes, saulf en autres choses, notre droit et l’autruy en toutes. Donné en nostre ville de Malines, ou mois de novembre l’an de grâce mil chincq cens et dix neuf, et de nostre règne le iiii^e. Ainsi signé par le Roy en son conseil. DESBARRES. Chambre des comptes de Lille. Registre des chartes de l’audience B. 1730, fo. 104. F. _Pardon of Jehan Dael for the homicide of Guillibert du Mortier._ Phelippe, Roy de Castille, d’Arragon, &c., Comte de Flandre, &c., sçavoir faisons à tous présens et à venir. Nous avons receu l’humble supplication et requeste de Jehan Dael, contenant, que le 23^e Septembre dernier, ayant esté convocqué au bancquet de nopces de l’enfant de Michel Dael, son frère, en la paroisse de Halluin, y seroit aussy esté appellé Guillibert du Mortier, lequel voiant la table couverte et la pluspart des convives y assisse, seroit ingéré de vouloir faire ung présent à la compaignie avec quelque peu de vau mis sur deux plats dans lesquels il avait enclos deux grenouilles, vulgairement appellées ronnes, lesquelles à l’ouverture d’iceulx plats, ont sauté sur la table et viandes, ce que auroit causé ung tumulte, et qui le tout auroit esté culbuté, ce qui auroit despleu fort audict remonstrant, tant à cause que les viandes estoient partie gastées et contaminées, comme aussy à raison de ce que la perte en resultant estoit assez de consideracion pour son dit frère qui est honneste homme, et bien qui le dit Guillebert debvoit endurer la reprinse de son faict, neanmoings au contre, il auroit injurié du mot ——[298] deux de la compagnie, et notamment le dit remontrant, ce quy l’occasionna de luy dire: Quy at il tant à (dire comme cela). A quoy il auroit respondu: Je te —— aussy, advienne. A quoi luy fut reparty par ledit remontrant en ces termes, ou en substance, Je pauleroy bien à toy, ce qu’entendu par le dit Guillebert auroit tiré son coustel et s’approché le remontrant, quy l’obleige de tirer pareillement le sien, et se mectre en deffence, du quel il en auroit donné un coup au dict Guillebert vers le dos, dont environ xii jours aprez il seroit allé de vie à trespas, au grand regret dudit remonstrant. C’est à quoy il a prins son recours vers nous, suppliant humblement qu’il nous pleust luy pardonner le dit cas et homicide luy en accordant et faisant depescher nos lettres patentes de remission en forme.