“Duxit uxorem, clarus bello et pace vir Trivulcius, Neapolitanam, prænobili familiâ. Invitatus sum ad convivium, immo ad pontificiam, et adipalem cænam. At ego ad epulas primas satur, spectator potius quam conviva fui. Credo gratum fore vel tibi, vel posteris, si fercula quam brevissime descripsero, non ut Macrobius apud nostros, nec ut apud Græcos Athenæus justis voluminibus, sed ut occupatus homo, et ad epistolæ mensuram. Primum aqua manibus data, non ut apud nos, stantibus, sed accumbentibus, utique rosacea. Tum illati pugillares ex nucleis pineis, et saccaro pastilli. Item placentæ nucleis amygdalis, et saccaro confectæ, quos vulgo martios paneis vocamus. Secundum fertum altiles asparagi. Tertium pulpulæ, ita enim popinæ appellant et jecuscula. Quartum caro dorcadis tosta. Quintum capitula junicum vitulorumve una cum pellibus elixa. Sextum capi, gallinarum, columborumque pulli, bubuleis comitati linguis, et petasonibus, ac sumine omnibus elixis addito Lymonyacæ pultario, sic enim Cupediarii Mediolanenses vocant, quam nostri sermiacam. Septimum hedus integer tostus, in singulas singuli capidas, cum jure quod ex amaris Cerasis sive ut quidam malunt appellare laurocerasis, condimenti vico fungitur. Octavum turtures, perdices, phasiani, coturnices, turdi, ficedulæ, et omnino plurimi generis avitia, molliter et studiose tosta. Colymbades olivæ condimenti loco appositæ. Nonum gallus gallinaceus saccaro incoctus, et aspergine rosaceâ madefactus, singulis convivis, singuli patinis argenteis, ut et cætera quoque vascula. Decimum porcellus integer tostus, in singula singuli crateria jusculento quodam liquore perfusi. Undecimum pavi tosti, pro condimento leucopheon jus, immo ferugineum e jocinoribus pistis, et aromate pretiosi generis, ad portionem et Symmetriam additum; hyspani ... appellant. Duodecimum tostus orbis ex ovo, lacte, salvia, polline saccareo, Salviatum vocamus. Tertium decimum Struthea cotonea ex saccaro. Quartum decimum, Carduus, pinea, Icolymon sive Cynaram potius appellare convenit. Quintum decimum a lotis manibus, bellaria et tragemata omnis generis saccarea. Inducti mox histriones, pantomimi, petauristæ, aretalogi, funambuli, choraulæ, citharædi. Singulis porro ferculis præibant faces, atque tubæ; sub facibus inclusa caveis altilia, quadrupedes, aviculæ, omnia viventia generis ejus videlicet, cujus ea quæ magistri et structores cocta mensis inferebant; mensaæ per atrium abacis singulæ singulis dispositæ, sed et privi privis ministri. Ante omnia silentium quale ne pythagorici quidem servare potuissent. Vale Mediolani, Idibus Maiis, 1488.”—_Politiani Epistolæ, lib. xii._ [55] _Platina, tom. i. p. 390, 391._ [56] _Platina, vol. i. p. 391._ [57] The correct title of Zabarella, was that of cardinal of St. Cosmo and St. Damien; but he is now generally known by the designation of cardinal of Florence. [58] _Poggii Opera, p. 255._ [59] _Poggii Histor. Florent., p. 76._ [60] _Leon. Aret. Epist., lib. iv. ep. iii._