Quia carnales homines idiotae Alamanni, vel Bagoarii, vel Franci, si iuxta Romanam urbem aliquid fieri viderint ex his peccatis quae nos prohibemus, licitum et concessum a sacerdotibus esse putant; et dum nobis improperium deputant, sibi scandalum vitae accipiunt. Sicut affirmant se vidisse annis singulis in Romana urbe, et iuxta ecclesiam sancti Petri, in die vel nocte quando Kalendae Ianuariae intrant, paganorum consuetudine choros ducere per plateas, et acclamationes ritu gentilium, et cantationes sacrilegas celebrare, et mensas illa die vel nocte dapibus onerare, et nullum de domo sua vel ignem, vel ferramentum, vel aliquid commodi vicino suo praestare velle. Dicunt quoque se ibi vidisse mulieres pagano ritu phylacteria et ligaturas in brachiis et in cruribus ligatas habere, et publice ad vendendum venales ad comparandum aliis offerre. Quae omnia eo quod ibi a carnalibus et insipientibus videntur, nobis hic improperium et impedimentum praedicationis et doctrinae faciunt. XXXIV. †742. POPE ZACHARY. [Zacharias Papa, _Epistola_ ii (_P. L._ lxxxix. 918), _Epistola_ li (Dümmler, _Epist. Merow. et Karol. Aevi_, i. 301). Written _Ad Bonifatium_ in reply to No. xxxiii. The _constitutio_ of Pope Gregory referred to appears to be No. xxxii.] De Kalendis vero Ianuariis, vel ceteris auguriis, vel phylacteriis, et incantationibus, vel aliis diversis observationibus, quae gentili more observari dixisti apud beatum Petrum apostolum, vel in urbe Roma; hoc et nobis et omnibus Christianis detestabile et perniciosum esse iudicamus.... Nam et sanctae recordationis praedecessoris atque nutritoris nostri domini Gregorii papae constitutione omnia haec pie ac fideliter amputata sunt et alia diversa quam plura. XXXV. 743. COUNCIL OF ROME. [Conc. Romanum, c. 9: Mansi, xii. 384. A slightly different version, headed ‘Zacharias Papa in Conc. Rom. c. 9,’ is in _Decretum Gratiani_, ii. 26. 7, c. 14 (_C. I. Can._ ed. Friedberg, i. 1045). This seems to be a result of Nos. xxxiii, xxxiv.] Ut nullus Kalendas Ianuarias et broma ritu paganorum colere praesumpserit, aut mensas cum dapibus in domibus praeparare, aut per vicos et plateas cantiones et choreas ducere, quod maxima iniquitas est coram Deo: anathema sit. XXXVI. †750. PRIMINIUS. [_Dicta Abbatis Priminii_, c. 22 (Caspari, _Kirchenhistorische Anecdota_, i. 172). Priminius was a German contemporary of Boniface.] Nam Vulcanalia et Kalendas observare ... quid aliut nisi cultura diabuli est?... Cervulos et vetulas in Kalendas vel aliud tempus nolite anbulare. Viri vestes femineas, femine vestes virilis in ipsis Kalandis vel in alia lusa quam plurima nolite vestire. XXXVII. †766. EGBERT. [_Penitentiale Egberti_, viii. 4 (Haddan and Stubbs, iii. 424).] Kalendas Ianuarias secundum paganam causam honorare, si non desinit, v annos poeniteat clericus, si laicus, iii annos poeniteat. XXXVIII. †790-800. LOMBARD CAPITULARY.