The personal appearance of the bard appears to have been prepossessing: his countenance wore a highly intellectual aspect. Subsequent to the publication of the first volume of his poems, he was requested to sit for his portrait by the late Mr George Watson, the well-known portrait-painter; and who was so well satisfied with the excellence of his subject, that he exhibited the portrait for a lengthened period in his studio. It is now in the possession of the author's son at Bowden, and has been pronounced a masterpiece of art. A badly executed engraving from it is prefixed to Scott's last two volumes. In manner, the poet was modest and unassuming, and his utterance was slow and defective. The songs selected for this work may be regarded as the most favourable specimens of his muse.[71] [71] We have to acknowledge our obligations for several particulars of this sketch to Mr Robert Bower, Melrose, the author of a volume of "Ballads and Lyrics," published at Edinburgh in 1853. RURAL CONTENT; OR, THE MUIRLAND FARMER. AIR--_"The Rock and the Wee Pickle Tow."_ I 'm now a guid farmer, I 've acres o' land, And my heart aye loups light when I 'm viewing o't, And I hae servants at my command, And twa dainty cowts for the plowin' o't. My farm is a snug ane, lies high on a muir, The muircocks and plivers aft skirl at my door, And whan the sky low'rs I 'm aye sure o' a show'r, To moisten my land for the plowin' o't. Leeze me on the mailin that 's fa'n to my share, It taks sax muckle bowes for the sawin' o't; I 've sax braid acres for pasture, and mair, And a dainty bit bog for the mawin' o't. A spence and a kitchen my mansionhouse gies, I 've a cantie wee wifie to daut whan I please, Twa bairnies, twa callans, that skelp o'er the leas, And they 'll soon can assist at the plowin' o't. My biggin' stands sweet on this south slopin' hill, And the sun shines sae bonnily beamin' on 't, And past my door trots a clear prattlin' rill, Frae the loch, whare the wild-ducks are swimmin' o't; And on its green banks, on the gay simmer days, My wifie trips barefoot, a-bleachin' her claes, And on the dear creature wi' rapture I gaze, While I whistle and sing at the plowin' o't. To rank amang farmers I hae muckle pride, But I mauna speak high when I 'm tellin' o't, How brawlie I strut on my shelty to ride, Wi' a sample to shew for the sellin' o't. In blue worset boots that my auld mither span, I 've aft been fu' vanty sin' I was a man, But now they 're flung by, and I 've bought cordivan, And my wifie ne'er grudged me a shillin' o't.