[123] Et si res devulgata et communiter manifesta esset, non expectatâ quatuor assistentium confirmatione, provinciales alii alios vocando convenire debent, et ipso primo die quo in locum hujusmodi congregationis ingredientur, ubi aderunt quatuor qui convocarunt, cum aliis congregatis, rem is aggrediatur cui omnia notoria sunt, et accusatio dilucidè explicetur. Et postquam auditus fuerit præpositus, foras egredi debebit, et antiquissimus ex provincialibus simul cum secretario aut alio assistente, de latâ re scrutinium faciat, et primò quidem an constet de peccato quod objicitur, deinde an ejusmodi sit ut propter id officio privari debeat; et idem suffragia promulget, quæ ut sufficiant duas tertias partes excedent; et tunc statim de alio eligendo agatur, et si fieri potest, non inde priùs egrediatur quàm societas præpositum generalem habeat.--Ibid. p. 440. [124] Prima ad res externas pertinet vestitûs, victûs et expensarum quarumlibet, quæ omnia vel augere, vel imminuere poterit societas prout præpositum ipsum ac se decere et Deo gratius fore judicabit et tunc societatis ordinationi acquiescere oportebit.--Cap. IV, art. ix, p. 439, tom. i. [125] Numero autem hujusmodi assistentium quidem quatuor......... et quidem illi ipsi esse poterunt de quibus supradictum......... quamvis autem res graviores ab iis tractandæ sint, statuendi tamen facultas, postquam eos audierit, penès præpositum generalem erit.--Cap. VI, art. i, p. 444, tom. ii. [126] Est item penès præpositum generalem omnis facultas agenda quosvis contractus emptionum aut venditionum quorumlibet bonorum temporalium mobilium tàm domorum quàm collegiorum societatis, et imponendi aut redimendi quoslibet census super bonis stabilibus ipsorum collegiorum, in eorumdem utilitatem et bonum, cum facultate sese liberandi, restitutâ pecuniâ quæ data fuerit. Alienare autem aut omninò dissolvere collegia vel domos jàm creatas societatis sine generali ejus congregatione præpositus generalis non poterit.--Cap. III. col. ii, p. 336, tom. i. [127] Cum autem quidquam privatæ utilitatis ex redditibus quærere vel in suum usum convertere non possit, est valde probabile quòd majori cum puritate ac Spiritu constantiùs ac diuturniùs procedat in iis quæ ad bonum regimen collegiorum ad majus Dei ac Domini nostri obsequium provideri convenit.--Cap. I, tit. i, p. 392. [128] Transferre vel differre domos vel collegia jam creata, aut in usum societatis professæ redditus eorum convertere præpositus generalis, ut in 4 part. dictum est, non poterit.--Cap. IV, art. xlviii, p. 438.