‘An’ the thirdin kirk that ye come till, You deal gold for my sake, An’ the fourthin kirk that ye come till, You tarry there till night.’ XIX She is doen her to her bigly[420] bow’r, As fast as she could fare, An’ she has tane a sleepy draught, That she had mixt wi’ care. XX She’s laid her down upon her bed, An’ soon she’s fa’n asleep, And soon o’er every tender limb Cauld death began to creep. XXI Whan night was flown, an’ day was come, Nae ane that did her see But thought she was as surely dead As ony lady cou’d be. XXII Her father an’ her brothers dear Gar’d make to her a bier; The tae half was o’ guid red gold, The tither o’ silver clear. XXIII Her mither an’ her sisters fair Gar’d work for her a sark; The tae half was o’ cambrick fine, The tither o’ needle wark. XXIV The firstin kirk that they came till, They gar’d the bells be rung, An’ the nextin kirk that they came till, They gar’d the mass be sung. XXV The thirdin kirk that they came till, They dealt gold for her sake, An’ the fourthin kirk that they came till, Lo, there they met her make[421]! XXVI ‘Lay down, lay down the bigly bier, Lat me the dead look on!’-- Wi’ cherry cheeks and ruby lips She lay and smil’d on him. XXVII ‘O ae sheave[422] o’ your bread, true love, An’ ae glass o’ your wine! For I hae fasted for your sake These fully days is nine. XXVIII ‘Gang hame, gang hame, my seven bold brothers, Gang hame and sound your horn; An’ ye may boast in southin lands Your sister’s play’d you scorn!’ FOOTNOTES: [416] couth = word. [417] marys = maidens. [418] shot-window here = bow-window. [419] the streen = yestreen. [420] bigly = commodious. [421] make = mate, lover. [422] sheave = slice. _61. Willie’s Lyke-Wake_ I ‘Willie, Willie, what makes you sae sad?’ _And the sun shines over the valleys and a’_-- ‘I lie sairly sick for the love of a maid.’ _Amang the blue flowers and the yellow and a’._ II ‘O Willie, my son, I’ll learn you a wile, How this pretty fair maid ye may beguile. III ‘Ye maun lie doun just as ye were dead, And tak’ your windin’-sheet round your head. IV ‘Ye maun gie the bellman his bell-groat, To ring your dead-bell at your lover’s yett[423].’ V Willie lay doun just as he war dead, And took his windin’-sheet round his head. VI He gied the bellman his bell-groat To ring his dead-bell at his lover’s yett. VII ‘O wha is this that is dead, I hear?’-- ‘O wha but Willie that lo’ed ye sae dear?’ VIII She is hame to her father’s ain bour: ‘I’ll gang to yon lyke-wake[424] ae single hour.’-- IX