Universis sanctæ matris ecclesiæ presentes litteras inspecturis vel audituris salutem: noverit universitas vestra quod sanctissimus dominus papa Gregorius, anno ab incarnatione domini millessimo septuagessimo, ad ecclesiam montis Sancti Michaeli in tumba in comitatu Cornubiæ gerens eximæ devocionis affectum, pie concessit ecclesiæ predictæ, quæ ministerio angelico creditur et comprobatur consecrari et sanctificari, omnibus fidelibus, qui illam ecclesiam cum suis beneficiis et elemosinis exepecierunt seu visitaverint, tertiam partem penetenciarum suarum eis condonari. Et ut inconcussum et inviolabile fine tenus permaneat; ex autoritate Dei patris omnipotentis et Filii et Spiritus sancti omnibus successoribus suis interdixit, ne quid contra hoc decretum usurpare presumant. Ista verba in antiquis registris de novo in hac ecclesia repertis inventa, prout hic in valvis ecclesiæ publice ponuntur. Et quia pluribus istud est incognitum, ideo nos in Christo Dei famuli et ministri hujus ecclesiæ universitatem vestram, qui regimen animarum possidetis, ob mutuæ vicissitudinis obtentum requirimus et rogamus, quatenus ista publicetis in ecclesiis vestris, ut vestri subditi et subjecti ad majorem exortacionem devocionis attencius animentur, et locum istum gloriosius perigrinando frequentent ad dona et indulgencias predicta graciose consequenda. Apparicio Sancti Michaelis in monte Tumba, antea vocatale Hore-rok in the wodd; et fuerunt tam boscus quam prata et terra arabilis inter dictum montem et insulas Syllye, et fuerunt 140 ecclesiæ parochiales inter istum montem et Sylly submersæ. Prima apparicio Sancti Michaelis in monte Gorgon in regno Apuliæ fuit anno Christi 391. Secunda apparicio fuit circa annum domini 710 in Tumba in Cornubia juxta mare. Tertia apparicio Romæ fuit, tempore Gregorii papæ legitur accedisse: nam tempore magnæ pestilenciæ, &c. Quarta apparicio fuit in ierarchiis nostrorum angelorum. Spacium loci Montis Sancti Michaelis est ducentorum cubitorum undique oceano cinctum, et religiosi monachi dicti loci, Abrincensis antistes Aubertus nomine, ut in honore Sancti Michaelis construeret ――――; predictus locus opacissimâ primo claudebatur sylvâ, ab oceano miliaribus distans sex, aptissimam prebens latebram ferarum, in quo loco olim comperimus monachos domino servientes. Memorandum, longitudo ecclesiæ Montis Sancti Michaelis continet 30 steppys. Latitudo continet 12 steppys. Longitudo capellæ novæ edificatæ continet 40 pedes, et est 20 steppys; Latitudo continet circa 10 steppys. Ab ecclesia usque pedem montis ad aquam maris continet 14 tymes 60 steppys. Longitudo maris inter villam Markysyoo usque pedem montis Sancti Michaelis continet per estimacionem mille CC id est 700 steppys, Anglice x tymes lxx steppys. _Nomina principalium fluminum in Cornubia._ Thamar aqua famosissima in Cornubia. Tavy incipit a ―――― et vadit per Tavystok. Plym incipit in Dertmore per 14 miliaria in parte boriali, et vadit usque portum vilæ Plymton.