Crokornwylle distat per 10 miliaria de Okynampton inter dictam villam et Crokyniwelle, et distat ab Excestre 10 miliaria. Excestre civitas. _Informacio Thomæ Peperelle de Tavystoke notarii publici._ Sanctus Ramonus episcopus Hiberniæ jacet in scrinio in ecclesia abbathiæ de Tavystoke inter chorum et capellam Beatæ Mariæ; et ejus dies translacionis agitur 5 die januarii, vigiliæ epiphaniæ, et ejus dies obitus agitur die 28 Augusti. Sanctus Barnocus, anglice Barnoc, heremita, jacet apud Bramton per 4 miliaria ex parte norwest de Berstaple; fuit filius regis Calabriæ; ejus dies agitur 7 die januarii. Sanctus Herygh, frater Sancti Vuy, episcopus, jacet in quadam ecclesia scita sub cruce ecclesiæ Sancti Pauli Londoniarum; ejus dies agitur in vigilia omnium sanctorum, id est ultimo die octobris. Sanctus Vuy, frater Sancti Herygh, jacet in ecclesia parochiali Sancti Vuy prope villam Lalant super mare boriale per tria miliaria de Mont-Myghell; ejus dies agitur die primo februarii. Sancta Hya, id est Seynt Hy, soror Sancti Herygh et soror Sancti Vuy, virgo jacet in ecclesia parochiali villæ Seynt Hy super mare boriale circa 12 miliaria ab ultimo fine occidentalis regni Angliæ; et ejus dies agitur tertio die februarii. Castrum quadratum de Lydiford fundatum fuit antiquis annis preteritis per primores Cornubiæ tum conver ――――. Pons profundissimus tocius Angliæ sub ponte et strictus ――――. Flumen pontis altissimi sub castro de Lydyford per sex miliaria de Tavystoke, et 6 usque Tokynton; currit de Dertmore fons ejus per 10 miliaria ex parte boriali maris prope villam Seynt Nyghtow, et currit usque aquam portus de Plymouth. Castrum prenobile de Okehampton prope villam Okehampton per 12 miliaria de Tavystoke versus orientem et Excestriam, quondam Thomæ Curteny comitis Devoniæ, edificatum per Thomam primum comitem. Fons fluminis de Okehampton currit sub castro supradicto, incipit apud Cremere in Thertmore, et currit usque Lydiford villam et ad Barstaple, incidens in mare boriale portus Barnstaple. Sancti Michaelis archangeli apparicio in castello Angeli Romæ die 8 Maii. Sancti Michaelis in monte die 16 Octobris. Sanctus Gyermocus episcopus, dies ejus agitur die Sancti Johannis in festo natalis: per tria miliaria de monte Sancti Michaelis. Sancta Branca virgo, dies ejus agitur die primo ―――― jacet in ecclesia prædictæ sanctæ per IIII miliaria montis Michaelis. Sancta Matheriana virgo jacet in ecclesia parochiæ de Mynstre per dimidium miliare de Botreaux castelle, et per III miliaria de Camelford: fecit unum miraculum de quodam homine extra sensum, ac una muliere et quadam puella in festo Sancti Jacobi, uno anno preterito, et ejus festum agitur circa 9 diem aprilis, secundum relacionem ―――― rectoris parochiæ villa de Mynster. _In libro Kalendarii principalis libri Antiphaner ecclesiæ Thomæ prioris canonicorum de Bodman inveni scriptum de bona manu._ Sanctus Codocus confessor, 24 die Januarii, C littera.