Insula de Greef scita est in Cornubia juxta prioratum monachorum de Trewdreth, juxta villam de Fowey per tria miliaria ex parte occidentali; et dicta insula jacet ex opposito patriæ Britanniæ vocatæ le Foorne. Et insula Ushand jacet in le seebord, anglice south et north, per distanciam latitudinis de le narrow see vocatum aliter le channel de Flaunders per spacium v kennyngys, et quilibet kennyng continet VII leucas, id est 21 miliaria, unde sunt cv miliaria; hæc habentur per informacionem Roberti Bracey consanguinei mei apud Fowey. Insula Camber est ex opposito Wynchelsea et Rye, distat a firma terra de Wynchylsee per 3 miliaria, et continet ex omni parte circa duo milliaria, et est in media dictæ insulæ capella Sancti Antonii. Insula parva, anglice a rok, vocata Edestone, scita sowth et north ex opposito Plymouth, aliter dicta le forland de Raume opyn upon Plymmouth, et jacet in le narrow-see per circa 15 miliaria. Insula Sancti Michaelis de Loo jacet anglice opyn upon villæ Loo, videlicet per 5 miliaria ex parte orientali de Fowey, et a firma terra in mari per unum miliare, et continet in circuitu per 4 miliaria, et in latitudine ex omni parte per 1 miliare. Insula montis Sancti Michaelis continet in circuitu circa unum miliare, et distat a firma terra per jactum unius sagittæ; et insula Ushand in Britannia est in meridionali parte insulæ de Mont-Myghelle. Pentybers-rok, maximus scopulus, in aqua Severn scita, ex parte occidentali portus de Padistow ac castri Tyntagelle per 4 miliaria, et distat a firma terra per unum miliare, et ibi nidificant aves vocatæ ganettys, gullys, seemowys, et cæteræ aves marinæ. Insula Sancti Nicholai in portu de Plymouth scita continet in longitudine ―――― et latitudine ――――. Et ibi est capella Sancti Nicholai fundata. _Bodman Villa._ Longitudo ecclesiæ prioratus canonicorum Bodman continet 64 virgas. Latitudo ejus continet 17 virgas. Companile continet in latitudine 7 virgas. 1239. Ecclesiam fratrum Sancti Francisci de Bodman Richardus comes Cornubiæ, filius fratris Henrici tercii, fundavit; et anno Christi 1352 dedicata est ecclesia per Johannem de Grandissono Exoniensem episcopum. _In martirologio fratrum minorum Bodman._ Scriptum est, lex gratitudinis requirit, ut beneficia beneficiis recompensentur, unde Beatus Augustinus libro soliloquiorum dicit, beneficium accepisti, et auctorem ejus non agnoscis; dominus in manifesto, et largitor in occulto, ista arguunt ingratitudinem: et quia labilis est humana memoria, ne multiplicia beneficia facta in ecclesia monasterii Sancti Benedicti de Hulmo, diocesis Norwicensis, per Johannem Fastolf chevalier, ideo dignum duxi dicta hic in scripto redigere ut patebit inferius. _Nobiles et generosi in kalendario fratrum Sancti Francisci de Bodman._ Edmundus et Johannes comites Cornubiæ. Johannes filius Radulphi de Bodman. Dominus Johannes de Arundell chevalier. Dominus Willelmus Seregeaux. Dominus Hugo Peverelle. Dominus Thomas de Cantia.