Mercurii 26, hora quinta post meridiem equitavi de Londoniis versus episcopum Wyntoniensem apud Waltham et Wynchester, et reposui apud Wandesworth. Jovis. Veneris 28 die applicui ad dominum episcopum hora prandii, et post meridiem equitavi usque Southampton cum Thoma Danvers. Veneris predicto applicui Southampton et ibi pernoctavi. Sabbato 29 Augusti, applicui apud Romsey-abbey in meridie, post repastum meum cum magistro North apud Nusselyng. Dominica 30 die Augusti fui apud Salysbery per medietatem diei ante meridiem. Dicto die fuit apud Wylton-abbey ad missam Sanctæ Edithæ. Dicto die dominica applicui apud villam Cheverelle per duo miliaria citra le Vyes, ubi quidem homo vocatus Philippus Pur pernoctavit me sua curtesia. Lunæ applicui ――――. Lunæ ultimo die Augusti equitavi per villam de Vyes, Yakysbery, et ultimo apud Manerium de Crofton, quondam Katermayno in parochia de Helmerton, ubi feci negotium Thomæ Danvers armigeri. Postea equitavi per villas de Stanley-abbey et Chypenham, et applicui usque Castelcombe. Martis die primo Septembris, Sancti Egidii, equitavi per Mershfelde versus Bristolliam, applicando ibi hora circa 6 post meridiem. Mercurii primo Septembris, Bristolliæ. Jovis 2 Septembris, incepi equitare de Bristollia primo per aquam usque ―――― et postea equest. usque Aust-clyf ibidem pernoctando. Veneris 3 die Septembris de Aust-clyff per aquam usque Chepstow navigando, ad prandium applicando usque abbathiam de Tyntern. Sabbati 4 die Septembris, fui ibidem. Dominica 5 die Septembris fui Tyntern-abbey tota die. Lunæ 7 die Septembris equitavi de Tyntern in mane. Lunæ predicto fui apud Chepstow. Lunæ predicto applicui ultra aquam per Aust-clyff usque Westbery. Martis 7 die Septembris nativitatis Beatæ Mariæ apud Westbery audivi divina servicia. Martis predicto post meridiem applicui Bristolliæ. Mercurii 9 Septembris, de Bristollia hora meridionali applicui usque Wells pernoctando. Jovis 10 Septembris, applicui Glastynbery, et applicui post meridiem usque Chedsey villam per duo miliaria de Bryggewater. Veneris 11 Septembris, applicui Bryggewater. Veneris predicto, jantavi apud Taunton ―――― et applicui ad noctem ad villam de ―――― per 12 miliaria de Taunton. Sabbati 12 die Septembris jantavi apud Kyrton, ubi est collegium. Sabbati prædicto applicui ad villam Okenton, ubi est castellum comitis Devoniæ, pernoctando ibidem. Dominica 13 die Septembris de Okenton usque villam de Launceston cum castro, et pernoctavi tota die et nocte. Locutus fui de doctore Ewen et certis cronicis. Lunæ 14 die Septembris, exaltationis sanctæ crucis, de prioratu Launceston equitavi per le Moore post meridiem, ubi equus meus occidet, applicando ad Bodman, loquendo cum fratre Mowne etcet. Martii 15 die Septembris apud Bodman loquendo cum ―――― Bernard, et equitavimus per villam Trewro, pernoctando cum Otys Philip valetto coronæ regis.