Ye heretykes recrayed, Wotte ye what ye sayed Of Mary, mother and mayed? With baudrie at her ye brayed; With baudy wordes vnmete Your tonges were to flete; 50 Your sermon was nat swete; Ye were nothyng discrete; Ye were in a dronken hete. Lyke heretykes confettred, [Sidenote: Convenio vos, O insensati literarum professores, &c.] Ye count your selfe wele lettred: Your lernyng is starke nought, For shamefully ye haue wrought, And to shame your selfe haue brought. [Sidenote: Convenio vos, O Jebusæi, O Judæi, O Cananæi, O Pharisæi, &c.] Bycause ye her mysnamed, And wolde haue her defamed, 60 Your madnesse she attamed; For ye were worldly shamed, At Poules crosse openly, All men can testifye; [Sidenote: Non vacat, O contemptores Mariani, non vacat, inquam, quod digna factis recepistis in deiparæ virginis conceptione, &c. hæc il.] There, lyke a sorte of sottes, Ye were fayne to beare fagottes; At the feest of her concepcion Ye suffred suche correction. _Sive per æquivocum,_ _Sive per univocum,_ 70 _Sive sic, sive_ nat so, Ye are brought to, Lo, lo, lo! [Sidenote: Convenio vos, O malesani, vani, profani Christiani.] Se where the heretykes go, Wytlesse wandring to and fro! With, Te he, ta ha, bo ho, bo ho! And suche wondringes many mo. Helas, ye wreches, ye may be wo! Ye may syng wele away, And curse bothe nyght and day, Whan ye were bredde and borne, 80 [Sidenote: Convenio vos, O Husiani, &c.] And whan ye were preestes shorne, Thus to be laughed to skorne, Thus tattred and thus torne, Thorowe your owne foly, To be blowen with the flye Of horryble heresy. Fayne ye were to reny, And mercy for to crye, Or be brende by and by, Confessyng howe ye dyde lye 90 In prechyng shamefully. Your selfe thus ye discured As clerkes vnassured, With ignorance obscured: [Sidenote: Convenio vos, O Lutheriani.] Ye are vnhappely vred.[772] In your dialeticall And principles silogisticall, If ye to remembrance call Howe _syllogisari_ _Non est ex particulari_ 100 [Sidenote: Neque non, neque legas.] _Neque negativis_, _Recte concludere si vis_, _Et cætera id genus_, Ye coude nat _corde tenus_, Nor answere _verbo tenus_, Whan prelacy you opposed; Your hertes than were hosed, [Sidenote: Quoniam ignorantibus suppositiones veritatis propositionum non relucent, &c.] Your relacions reposed; And yet ye supposed _Respondere ad quantum_, 110 But ye were _confuse tantum_, Surrendring your supposycions, For there ye myst you[r] quosshons. Wolde God, for your owne ease,