Be lyght of byleue and hasty of credence; 750 I make them to startyll and sparkyll lyke a bronde, I moue them, I mase them, I make them so fonde, That they wyll here no man but the fyrst tale: And so by these meanes I brewe moche bale. _Hic ingrediatur COURTLY ABUSYON cantando._ _Court. Ab._ Huffa, huffa, taunderum, taunderum, tayne, huffa, huffa! _Cl. Col._ This was properly prated, syrs! what sayd a? _Court. Ab._ Rutty bully, ioly rutterkyn, heyda! _Cl. Col._ _De que pays este vous_? _Et faciat tanquam exiat beretrum cronice._[801] _Court. Ab._ Decke your hofte and couer a lowce. _Cl. Col. Say vous chaunter Venter tre dawce?_ 760 _Court. Ab._ _Wyda, wyda._ Howe sayst thou, man? am not I a ioly rutter? _Cl. Col._ Gyue this gentylman rome, syrs, stonde vtter! By God, syr, what nede all this waste? What is this, a betell, or a batowe,[802] or a buskyn lacyd? _Court. Ab._ What, wenyst thou that I knowe thé not, Clokyd Colusyon? _Cl. Col._ And wenyst thou that I knowe not thé, cankard Abusyon? _Court. Ab._ Cankard Jacke Hare, loke thou be not rusty; For thou shalt well knowe I am nother durty nor dusty. _Cl. Col._ Dusty! nay, syr, ye be all of the lusty, 770 Howe be it of scape thryfte your clokes smelleth musty: But whether art thou walkynge in faythe vnfaynyd? _Court. Ab._ Mary, with Magnyfycence I wolde be retaynyd. _Cl. Col._ By the masse, for the cowrte thou art a mete man: Thy slyppers they swap it, yet thou fotys it lyke a swanne. _Court. Ab._ Ye, so I can deuyse my gere after the cowrtly maner. _Cl. Col._ So thou arte personable to bere a prynces baner. By Goddes fote,[803] and I dare well fyght, for I wyll not start. _Court. Ab._ Nay, thou art a man good inough but for thy false hart. _Cl. Col._ Well, and I be a coward, ther is mo than I. 780 _Court. Ab._ Ye, in faythe, a bolde man and a hardy. _Cl. Col._ A bolde man in a bole of newe ale in cornys. _Court. Ab._ Wyll ye se this gentylman is all in his skornys? _Cl. Col._ But are ye not auysed to dwell where ye spake? _Court. Ab._ I am of fewe wordys, I loue not to barke. Beryst thou any rome, or cannyst thou do ought? Cannyst thou helpe in fauer that I myght be brought? _Cl. Col._ I may do somwhat, and more I thynke shall. _Here cometh in CRAFTY CONUEYAUNCE, poyntyng with his fynger, and sayth, HEM, COLUSYON!_ _Court. Ab._ Cockys harte, who is yonde that for thé dothe call? _Cr. Con.[804]_ Nay, come at ones, for the armys of the dyce! 790 _Court. Ab._ Cockys armys, he hath callyd for thé twyce. _Cl. Col._ By Cockys harte, and call shall agayne: To come to me, I trowe, he shalbe fayne. _Court. Ab._ What, is thy harte pryckyd with such a prowde pynne? _Cl. Col._ Tushe, he that hath nede, man, let hym rynne. _Cr. Con._ Nay, come away, man: thou playst the cayser.