_Pouer._ Syr, all this wolde haue bene thought on before: He woteth not what welth is that neuer was sore. _Magn._ Fy, fy, that euer I sholde be brought in this snare! I wenyd ones neuer to haue knowen of care. _Pouer._ Lo, suche is this worlde! I fynde it wryt, 2000 In welth to beware, and that is wyt. _Magn._ In welth to beware, yf I had had grace, Neuer had I bene brought in this case. _Pouer._ Nowe, syth it wyll no nother be, All that God sendeth, take it in gre; For, thoughe you were somtyme a noble estate, Nowe must you lerne to begge at euery mannes gate. _Magn._ Alasse, that euer I sholde be so shamed! Alasse, that euer I Magnyfycence was named! Alasse, that euer I was so harde happed, 2010 In mysery and wretchydnesse thus to be lapped! Alasse, that I coude not myselfe no better gyde! Alasse, in my cradell that I had not dyde! _Pouer._ Ye, syr, ye, leue all this rage, And pray to God your sorowes to asswage: It is foly to grudge agaynst his vysytacyon. With harte contryte make your supplycacyon Vnto your Maker, that made bothe you and me, And, whan it pleaseth God, better may be. _Magn._ Alasse, I wote not what I sholde pray! 2020 _Pouer._ Rem[e]mbre you better, syr, beware what ye say, For drede ye dysplease the hygh deyte. Put your wyll to his wyll, for surely it is he That may restore you agayne to felycyte, And brynge you agayne out of aduersyte. Therfore pouerte loke pacyently ye take, And remembre he suffered moche more for your sake, Howe be it of all synne he was innocent, And ye haue deserued this punysshment. _Magn._ Alasse, with colde my lymmes shall be marde! 2030 _Pouer._ Ye, syr, nowe must ye lerne to lye harde, That was wonte to lye on fetherbeddes of downe; Nowe must your fete lye hyer than your crowne: Where you were wonte to haue cawdels for your hede, Nowe must you monche mamockes and lumpes of brede; And where you had chaunges of ryche aray, Nowe lap you in a couerlet full fayne that you may; And where that ye were pomped with what that ye wolde, Nowe must ye suffre bothe hunger and colde: With courtely sylkes ye were wonte to be drawe; 2040 Nowe must ye lerne to lye on the strawe; Your skynne that was wrapped in shertes of Raynes, Nowe must ye be stormy beten[854] with showres and raynes; Your hede that was wonte to be happed moost drowpy and drowsy, Now shal ye be scabbed, scuruy, and lowsy. _Magn._ Fye on this worlde, full of trechery, That euer noblenesse sholde lyue thus wretchydly!