_Mys._ And I, Myschefe, am comyn at nede, Out of thy lyfe thé for to lede: And loke that it be not longe Or that thy selfe thou go honge 2340 With this halter good and stronge; Or ellys with this knyfe cut out a tonge Of thy throte hole, and ryd thé out of payne: Thou arte not the fyrst hymselfe hath slayne. Lo, here is thy knyfe and a halter! and, or we go ferther, Spare not thy selfe, but boldly thé murder. _Dys._ Ye, haue done at ones without delay. _Magn._ Shall I my selfe hange with an halter? nay; Nay, rather wyll I chose to ryd me of this lyue In styckynge my selfe with this fayre knyfe. 2350 _Here MAGNYFYCENCE wolde slee hymselfe with a knyfe._ _Mys._[865] Alarum, alarum! to longe we abyde! _Dys._ Out, harowe, hyll burneth! where shall I me hyde? _Hic intrat GOODHOPE, fugientibus DYSPAYRE et MYSCHEFE: repente GOODHOPE surripiat illi gladium,[866] et dicat._ _Good._ Alas, dere sone, sore combred is thy mynde, Thyselfe that thou wolde sloo agaynst nature and kynde! _Magn._ A, blessyd may ye be, syr! what shall I you call? _Good._ Goodhope, syr, my name is; remedy pryncypall Agaynst all sautes[867] of your goostly foo: Who knoweth me, hymselfe may neuer sloo. _Magn._ Alas, syr, so I am lapped in aduersyte, That dyspayre well nyghe had myscheued me! 2360 For, had ye riot the soner ben my refuge, Of dampnacyon I had ben drawen in the luge. _Good._ Vndoubted ye had lost yourselfe eternally: There is no man may synne more mortally Than of wanhope thrughe the vnhappy wayes, By myschefe to breuyate and shorten his dayes: But, my good sonne, lerne from dyspayre to flee, Wynde you from wanhope, and aquaynte you with me. A grete mysaduenture, thy Maker to dysplease, Thyselfe myscheuynge to thyne endlesse dysease! 2370 There was neuer so harde a storme of mysery, But thrughe goodhope there may come remedy. _Magn._ Your wordes be more sweter than ony precyous narde, They molefy so easely my harte that was so harde; There is no bawme, ne gumme of Arabe, More delectable than your langage to me.