_Eterno mansura die dum sidera fulgent,_ _Æquora dumque tument, hæc laurea nostra virebit:_ _Hinc nostrum celebre et nomen referetur ad astra,_ _Undique Skeltonis memorabitur alter Adonis._ Arectyng my syght towarde the zodyake, The sygnes xii for to beholde a farre, When Mars retrogradant[1459] reuersyd his bak, Lorde of the yere in his orbicular,[1460] Put vp his sworde, for he cowde make no warre, And whan Lucina plenarly[1461] did shyne, Scorpione ascendynge degrees twyse nyne; In place alone then musynge in my thought How all thynge passyth as doth the somer flower, On[1462] euery halfe my reasons forthe I sought, 10 How oftyn fortune varyeth in an howre, Now clere wether, forthwith a stormy showre; All thynge compassyd, no perpetuyte, But now in welthe, now in aduersyte. So depely drownyd I was in this dumpe, Encraumpysshed so sore was my conceyte, That, me to rest, I lent me to a stumpe Of an oke, that somtyme grew full streyghte, A myghty tre and of a noble heyght, Whose bewte blastyd was with the boystors wynde, 20 His leuis loste, the sappe was frome the rynde. Thus stode I in the frytthy forest of Galtres, Ensowkid with sylt[1463] of the myry mose, Where hartis belluyng, embosyd with distres, Ran on the raunge so longe, that I suppose Few men can tell now[1464] where the hynde calfe gose; Faire fall that forster[1465] that so well[1466] can bate his hownde! But of my purpose[1467] now torne we to the grownde. Whylis I stode musynge in this medytatyon, In slumbrynge I fell[1468] and halfe in a slepe; 30 And whether it were of ymagynacyon, Or of humors superflue, that often wyll crepe Into the brayne by drynkyng ouer depe, Or it procedyd of fatall persuacyon, I can not wele tell[1469] you what was the occasyon; But sodeynly at ones, as I me aduysed,[1470] As one in a trans or in an extasy, I sawe a pauylyon wondersly[1471] disgysede, Garnysshed fresshe after my fantasy, Enhachyde with perle and stones preciously, 40 The grounde engrosyd and bet with bourne golde, That passynge goodly it was to beholde: Within it,[1472] a prynces excellente of porte; But to recounte her ryche abylyment, And what estates to her did resorte, Therto am I full insuffycyent; A goddesse inmortall[1473] she dyd represente; As I harde say, dame Pallas was her name; To whome supplyed the royall Quene of Fame.[1474] _The Quene of Fame to Dame Pallas._ Prynces moost pusant, of hygh preemynence, 50 Renownyd[1475] lady aboue the sterry heuyn, All other transcendyng, of very congruence Madame regent of the scyence[1476] seuyn, To whos astate all noblenes most lenen,[1477] My supplycacyon to you I arrect, Whereof I beseche[1478] you to tender the effecte.