10. Cumque de præfatis mercatoribus nonnuli eorum alias excicere soleant mercandisas, vt de Aucrio ponderis, & de alijs rebus subtilibus, sicut de pannis Tarsensibus, de serico, & cindallis, de seta & alijs diuersis mercibus, & de equis etiam & alijs animalibus, blado & alijs rebus & mercandisis multimodis, quæ ad certam custumam facile poni non poterunt, ijdem mercatores concesserunt dare nobis & hæredibus nostris de qualibet libra argenti estimationis seu valoris rerum & mercandisaram huiusmodi, quocunque nomine censeantur; tres denarios de libra in introitu rerum & mercandisaram ipsarum in regnum & potestatem nostram prædictam infra viginti dies postquam huiusmodi res & mercandisæ in regnum & potestatem nostram adductæ & etiam ibidem exoneratæ seu venditæ fuerint. Et similiter tres denarios de qualibet libra argenti in eductione quarumcunque rerum & mercandisaram huiusmodi emptarum in regno & potestate nostris prædictis vltra custumas nobis aut alijs ante datas. Et super valore & estimatione rerum & mercandisarum huiusmodi de quibus tres denarij de qualibet libra argenti sicut prædicitur sunt soluendi, credatur eis per literas, quas de Dominis aut socijs suis ostendere poterunt: Et si literas non habeant stetur in hac parte prædictorum mercatorum, si præsentes fuerint, vel valetorum suorum in eorandem mercatorum absentia, iuramentis. 11. Liceat insuper socijs de societate prædictorum mercatorum infra regnum & potestatem nostram prædictas, lanas vendere alijs suis socijs, & similiter emere ab ijsdem absque custuma soluenda. Ita tamen quod dictæ lattæ ad tales manus non deueniant, quòd de custuma nobis debita defraudemur. Et præterea est sciendum, quòd postquam supradicti mercatores semel in vno loco infra regnum & potestatem nostram custumam nobis concessam superius pro mercandisis suis in forma soluerint supradicta, & suum habeant inde warantum, siue huiusmodi mercandisæ infra regnum & potestatem nostram remaneant, siue exterius deferantur, (exceptis vinis, quæ de regno & potestate, nostris prædictis sine volnntate & licentia nostra sicut prædictum est nullatenus educantur:) Volumus, ac pro nobis, ac hæredibus nostris concedimus, quòd nulla exactio, prisa, vel præstatio, aut aliquod onus super personas mercatorum prædictorum, mercandisas seu bona eorundem altquatenus imponatur contra formam expressam superius & concessam. His testibus veracibus principalibus, Roberto Cantuariensi Archiepiscopo totius Angliæ primate, Waltero Couentriæ & Lichfildiæ episcopo, Henrico de Lacy Lincolniense, Humfredo de Bohum comite Herfordiense, & Essexiæ & Constabulo magno Angliæ, Adomaro de Valentia, Galfrido de Gaymal, Hugone de Lespensor,[Footnote: _Sic_.] Waltero de Bello campo, senescallo hospitij nostri, Roberto de Burijs, & alijs. Datum per manum nostram apud Windesore, primo die Februarij, anno regni nostri xxxj. The aforesaid generall Charter in English.