alij timentes inde indictari, lanas suas ac pelles lanutas sub nominibus aliorum non culpabilium faciunt aduocari, & extra regnum nostrum transmitti quibusdam alienigenis, sic culpabilibus in dictum regnum forsitan non reuersuris, vt sic forisfacturas prædictas effugiant, & nos de emenda ad nos sic pertinente illudant: quæ si permitterentur sic transire in nostri damnum non modicum redundarent. Nos volentes huiusmodi fraudibus obuiare, & nostris damnis quatenus bono modo poterimus præcauere, vobis præcipimus firmiter iniungentes, quod à singulis mercatoribus lanas seu pelles lanutas per portum prædictum ad partes exteras ducere volentibus corporale sacramentum ad sancta Dei Euangelia recipiatis, quod ipsi lanas seu pelles lanutas sub nomine ipsius, cuius propriæ sunt, & non alterius aduocabunt, & tunc recepta ab illo cuius lanæ & pelles huiusmodi erunt, vel nomine suo sufficiente securitate pro qua respondere volueritis, de respondendo & faciendo nobis id quod ad nos pertinet de lanis & pellibus lanutis per ipsum ductis seu missis ad aliquam dictarum terrarum Flandriæ & Brabantiæ, & de Artoys contra formam Chartæ, proclamationis, & inhibitionis supradictarum, si ipsum super hoc conuinci contingat, lanas & pelles illas lanutas extra portum prædictum, recepta prius custuma debita de eisdem, ad partes exteras transire pemittatis. Teste Rege apud Doueram decimo octauo die Iunij, per ipsum Regem & Consilium. Et postmodùm per breue de priuato sigillo eodem modo mandatum est collectoribus custumæ prædicts in portubus subscriptis: Videlicet, In portu villæ Southhampton. In portu villæ Weymouth. In portu villæ Sancti Botolphi. In portu villæ de Kingtone super Hull. In portu villæ de nouo Castro. In portu villæ de magna Iernemutha. In portu villæ de Lenne. In portu villæ de Gypwico. The same in English. An Ordinance of the Staple to bee holden at one certaine place.