The voyage of Nicholas de Lynna a Franciscan Frier, and an excellent Mathematician of Oxford, to all the Regions situate vnder the North pole, in the yeere 1360. and in the raigne of Edward the 3. king of England. [Sidenote: The words of Gerardus Mercator in the foote of his general Map vpon the description of the North partes.] Quod ad descriptionem partium Septentrionalium attinet, eam nos accipimus ex Itinerario Iacobi Cnoyen Buscoducensis qui quædam ex rebus gestis Arthuri Britanni citat, maiorem autem partem & potiora, a Sacerdote quodam apud Regem Noruegiæ, An. Dom. 1364. didicit. Descenderat is ex illis quos Arthurus ad has habitandas insulas miserat, & referebat, An. 1360. Minoritam quendam Anglum Oxonieasem Mathematicum in eas insulas venisse, ipsisque relictis ad vlteriora arte Magica profectu descripsisse omnia, & Astrolabio dimensum esse in hanc subiectam formam ferè, vti ex Iacobo collegimus, Euripos illos quatuor dicebat tanto impetu ad interiorem voraginem rapi, vt naues semel ingressæ nullo vento retroagi possent, neque verò vnquam tantam ibi ventum esse, vt molæ frumentariæ circumagendæ sufficiat. Simillima his habet Giraldus Cambrensis (qui floruit, An. 1210.) in libro de mirabilibus Hyberniæ, sic enim scribit. Non procul ab insulis Hebridibus, Islandia, &c. ex parte Boreali, est maris quædam miranda vorago, in quam à remotis partibus omnes vndique fluctus marini tanquam ex condicto fluunt, & recurrunt, qui in secreta naturæ penetralia se ibi transfundentes, quasi in Abyssum vorantur. Si verò nauem hac fortè transire contigerit, tanta rapitur, & attrahitur fluctuum violentia, vt eam statim irreuocabiliter vis voracitatis absorbeat. Quatuor voragines huius Oceani, a quatuor oppositis mundi partibus Philosophi describunt, vnde & tam marinos fluctus, quàm & Æolicos flatus causaliter peruenire nonnulli coniectant. The same in English.