Ibidem tunc affuere etiam Henrici Regis Angliæ missi, varia & preciosa donaria multo lepore verborum adornata præstantes. Inter quæ papilionem vnum quantitate maximum, qualitate optimum perspeximus. Cuius si quantitatem requiris, non nisi machinis & instrumentorum genere & adminiculo leuari poterat: si qualitatem, nec materia nec opere ipsum putem aliquando ab aliquo huiusce apparatu superatum iri. Literas quoque mellito sermone plenas pariter direxerat, quarum hic tenor fuit. Præcordiali amico suo, Frederico Dei gratia Romanorum imperatori inuictissimo, Henricus Rex Angliæ, dux Normanniæ, & Aquitaniæ, & Comes Andegauensis, salutem, & veræ dilectionis concordiam. Excellentiæ vestræ quantas possumus referimus grates, dominantium optime, quod nos nuncijs vestris visitare, salutare literis, muneribus præuenire, & quod his charius amplectimur, pacis & amoris inuicem dignatus estis foedera inchoare. Exultauimus, & quodammodo animum nobis crescere, & in maius sensimus euehi dum vestra promissio, in qua nobis spem dedistis in disponendis. Regni nostri negocijs, alacriores nos reddidit, & promptiores. Exultauimus inquam, & tota mente magnificentiæ vestræ assurreximus, id vobis in sincero cordis affectu respondentes, quod quicquid ad honorem vestrum spectare nouerimus, pro posse nostro effectui mancipare parati sumus. Regnum nostrum & quicquid vbique nostræ subijcitur ditioni vobis exponimus & vestræ committimus potestati, vt ad vestrum nutum omnia disponantur, & in omnibus vestri fiat voluntas imperij. [Sidedote: Commercia inter Germanos & Anglos.] Sit igitur inter nos & populos nostros dilectionis & pacis vnitas indiuisa, commercia tuta. Ita tamen vt vobis, qui dignitate præminetis, imperandi cedat authoritas, nobis non deerit voluntas obsequendi. Et sicut vestraa Serenitatis memoriam vestrorum excitat in nobis munerum largitio, sic vos nostri quoque reminisci præoptamus, mittentes quæ pulchriora penes nos erant, & vobis magis placitura. Attendite itaque dantis affectum, non data, & eo animo quo dantur accipite. De manu beati Iacobi, super qua nobis scripsistis, in ore magistri Hereberti & Guilielmi Clerici nostri verbum posuimus. Teste Thoma Cancellario apud Northanton. The same in English. There were present also the same tune, the messengers of Henry [Footnote: The Second.] king of England presenting diuers rich and precious gifts, and that with great learning & eloquence of speech. Amongst the which we saw a pauilion, most large in quantity, & most excellent in quality. For if you desire to know the quantitie therof, it could not be erected without engines and a kinde of instruments, and maine force: if the qualitie, I thinke there was neuer any furniture of the same kinde, that surpassed the same either in stuffe or workemanship. The said king directed his letters also, full of sugred speeches, the tenour whereof was this that followeth.