Illustrissime Princeps, ex nonnullis quibusdam Hispanis intelligimus, Excellentiam vestram iam nunc esse apud portam S. Mariæ. Et quoniam in anno Domini 1588. id nobis tunc muneris assignatum erat à sereniss. nostra Regina domina mea, vt contra vos, vestrásque copias, Ego solus pro eo tempore Generalis essem constitutus: Idcircò non opinamur vobis ignotum esse, quàm mite quoddam, et humanum bellandi genus, tum hîc iam in hoc ipso tempore, aduersus huius loci populum atque incolas vsurpauerimus: tum etiam sæpius antehac quâm humaniter, benignèque eos omnes tractauerimus, quos ex vestris iure belli captiuos acceperimus. Ex quorum numero quàm multa milia etiam gratis, nullo accepto pretio, libertate donauerimus, id putamus omnibus esse testatius, quàm vt à quoquam denegetur. Quocirca, neque vllo modo nobis in mentem venire potest, vt dubitemus, quin parem etiam in vobis humanitatem aduersus nostros captiuos simus reperturi. Cum igitur nobis compertum iam sit, habere vos in vestris galeris, ex Reginæ nostræ serenissimæ Dominæ meæ subditis vnum et quinquaginta captiuos: non equidem dubitamus, quin eos omnes sitis relaxaturi, et ad nos missuri: ea lege, ac conditione, vt totidem ex vestris hîc captíuis eiusdem loci atque ordinis, melioris etiam fortassis notæ, ac conditionis, homuncios, ad os vicissim remittamus. Id quod nos facturos data fide spondemus, quàm primùm nostros captiuos ex vestris manibus acceperimus. Hac in re si nostro desiderio ac voluntati parùm satisfactum erit, aliud profectò tunc posthac belli genus ingrediemur, aliúmque bellandi morem cogemur, etiam inuiti, et contra voluntatem prosequi. Ex Regia Anglicana classe apud Cadiz vltimo Iunij, stilo antiquo. 1596. Carolus Howard. These letters were sent by a Spaniard, and an answere was brought from the Duke with al conuenient speed, and as it should seeme by the L. Admirals next answere returned to him in writing, which immediately hereafter foloweth, the Duke de Medina Sidonia his letters were honorable, and with good regard. A Copie of my L. Admirals second letter to the Duke of Medina Sidonia. Illustrissimo Principi Duci de Medina Sidonia.