Qui de Hybernia, Anglia, Scotia, Noruegia, aut Gallia, iter arripit ad partes Hierosolymitanas potest saltem vsque ad Imperialem Greciae Ciuitatem Constantinopolim eligere sibi modum proficiscendi, siue per terras, siue per aquas. Et si peregrinando eligit transigere viam, tendat per Coloniam Agrippinam, et sic per Almaniam in Hungariam ad Montlusant Ciuitatem, sedem Regni Hungariae. [Sidenote: Regis Hungariae olim potentia.] Et est Rex Hungariae multum potens istis temporibus. Nam tenet et Sclauoniam, et magnam partem Regni Comannorum, et Hungariam, et partem Regni Russiae. Oportet vt peregrinus in finibus Hungariae transeat magnum Danubij flumen, et vadat in Belgradum; Hoc flumen oritur inter Montana Almaniae, et currens versus Orientem, recipit in se 40. flumina antequam finiatur in mare. De Belgrade intratur terra Bulgariae, et transitur per Pontem petrinum fluuij Marroy, et per terram Pyncenars, et tunc intratur Graecia, in Ciuitates, Sternes, Asmopape, et Andrinopolis, et sic in Constantinopolim, vbi communiter est sedes Imperatoris Greciae. Qui autem viam eligit per aquas versus Constantinopolim nauigare, accipiat sibi portum, prout voluerit, propinquum siue remotum, Marsiliae, Pisi, Ianuae, Venetijs, Romae, Neapoli, vel alibi: sicque transeat Tusciam, Campaniam, Italiam, Corsicam, Sardiniam, vsque in Siciliam, quae diuiditur ab Italia per brachiam maris non magnum. [Sidenote: Mons aetna.] In Sicilia est mons AEtna iugiter ardens, qui ibidem apellatur Mons Gibelle, et praeter illum habentur ibi loca Golthan vbi sunt septem leucae quasi semper ignem spirantes: secundum diuersitatem colorum harum flammarum estimant. [Sidenote: Aeolides insulae.] Incolae annum fertilem fore, vel sterilem, siccum vel humidum, calidum, vel frigidum: haec loca vocant caminos Infernales, et a finibus Italiae vsque ad ista loca sunt 25. miliaria. [Sidenote: Temperes Siciliae Insulae.] Sunt autem in Sicilia aliqua Pomeria in quibus inueniuntur frondes, flores, et fructus per totum annum, etiam, in profunda hyeme. Regnum Siciliae est bona, et grandis insula habens in circuitu fere leucas 300. [Sidenote: Leuca Lombardica. Quid sit dieta.] Et ne quis eret, vel de facili reprehendat quoties scribo leucam, intelligendum est de leuca Lombardica, quae aliquanto maior est Geometrica; et quoties pono numerum, sub intelligatur fere, vel circiter, siue citra, et dietam intendo ponere, de 10. Lombardicis leucis: Geometrica autem leuca describitur, vt notum est, per hos versus. Quinque pedes passum faciunt, passus quoque centum Viginti quinque stadium, si millia des que Octo facis stadia, duplicatum dat tibi leuca.