Constantinopolis pulchra est Ciuitas, et nobilis, triangularis in forma, firmiterque murata, cuius duae partes includuntur mari Hellesponto, quod plurimi modo appellant brachium sancti Georgij, et aliqui Buke, Troia vetus. Versus locum vbi hoc brachium exit de mari est late terrae planities, in qua antiquitus stetit Troia Ciuitas de qua apud Poetas mira leguntur sed nunc valde modica apparent vestigia Ciuitatis. In Constantinopoli habentur multa mirabilia, ac insuper multae sanctorum venerandae relliquaei, ac super omnia, preciosissimi Crux Christi, seu maior pars illius, et tunica inconsutilis, cum spongia et arandine, et vno clauorum, et dimidia parte coronae spineae, cuius altera medietas seruatur in Capetla Regis Franciae, Parisijs. Nam et ego indignus ditigenter pluribus vicibus respexi partem vtramque: dabatur quoque mihi de illa Parisijs vnica spina, quam vsque nunc preciose conseruo, et est ipsa spina non lignea sed uelut de iuncis marinis rigida, et pungitiua. [Sidenote: Eclesia sanctae Sophiae] Ecclesia Constantinopolitana in honorem sanctae Sophiae, id est, ineffabilis Dei sapientiae dedicato dicitur, et nobilissima vniuersarum mundi Ecclesiarum, tam in schemate artificiosi operis, quam in seruatis ibi sacrosanctis Relliquijs: [Sidenote: Regina Helena Britanna] nam et continet corpus sancte Annae matris nostrae Dominae translatum illuc per Reginam Helenam ab Hierosolymis: et corpus S. Lucae Euangelistae translatum de Bethania Iudeae; Et Corpus beati Ioannis Chrysostomi ipsius Ciuitatis Episcopi, cum multis atlijs reliquijs preciosis; quoniam est ibi vas grande cum huiusmodi reliquijs velut marmoreum de Petra Enhydros; quod iugiter de seipso desudans aquam semel, in anno inuenitur suo sudore repletum. [Sidenote: Imago Iustiniani.] Ante hanc Ecclesiam, super columnam marmoream habetur de aere aurato opere fuscrio, magna imago Iustiniani quondam Imperatoris super equum sedentis, fuit autem primitus in manu imaginis fabricata sphaera rotunda, quae iam diu e manu sua sibi cecidit, in signum quod Imperator muliarum terraram dominium perdidit. Namque solebat esse Dominus, Romanorum Graecorum, Asiae, Syriae, Iudeae, AEgypti, Arabiae, et Persiae, at nunc solum retinet Greciam, cum aliquibus terris Greciae adiacentibus, sicut Calistrum, Cholchos, Ortigo, Tylbriam, Minos, Flexon, Melos, Carpates, Lemnon, Thraciam, et Macedoniam totam: Suntque sub eo Caypoplij, et alti Pyntenardi, ac maxima pars Commannorum. Porro imago tenet manum eleuatam et extentam in orientem, velut in signum cominationis ad Orientales infideles. De praedicta terra Thraciae fuit Philosophus Aristoteles oriundus in Ciuitate Stageres, et est ibi in loco tumba eius velut altare, vbi et singulis annis certo die celebratur a populo festum illius, ac si fuisset sanctus. Temporibus ergo magnorum consiliorum conueniunt illuc sapientes terrae, reputantes sibi per inspirationem immitti consilium optimum de agendis.